جىل باسىنان بەرى ساۋدا جانە ينتەگراتسيا مينيسترلىگى جەرگىلىكتى اتقارۋشى ورگاندارمەن بىرلەسىپ باعا مونيتورينگىن بەلسەندى تۇردە جۇرگىزىپ كەلەدى. مونيتورينگ كۇن سايىن, دەمالىس كۇندەرىنە قاراماستان جۇرگىزىلىپ جاتىر. بۇل باعا وزگەرىسىن ۋاقتىلى انىقتاپ, نارىقتى تۇراقتاندىرۋ بويىنشا ءتيىستى شارالار قابىلداۋعا مۇمكىندىك بەرەدى, دەپ جازادى Egemen.kz.
وسىلايشا, 1 قاڭتاردا ساۋدا جانە ينتەگراتسيا ءمينيسترى ارمان شاققاليەۆ ەلورداداعى ءىرى ساۋدا جەلىلەرىن ارالاپ, باعالاردى تەكسەردى.
1 قاڭتاردان باستاپ ەلىمىزدىڭ بارلىق وڭىرلەرىندە باعا مونيتورينگى بەلسەندى تۇردە جۇرگىزىلۋدە. ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتتەرىنىڭ باسشىلارى اكىمدىكتەرمەن بىرلەسىپ 600-دەن استام ساۋدا نىسانىن تەكسەردى.
ۇلىتاۋ وبلىسىنىڭ اكىمى داستان رىسپەكوۆتىڭ باسشىلىعىمەن اكىمدىك وكىلدەرى مەن ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى «سامادي» گيپەرماركەتىنە باردى. مونيتورينگ بارىسىندا الەۋمەتتىك ماڭىزى بار ازىق-ت ۇلىك تاۋارلارىنىڭ, اتاپ ايتقاندا ۇن, نان, ءسۇت, كۇنباعىس مايى, قانت, كۇرىش جانە وزگە دە ونىمدەردىڭ باعاسى مەن قولجەتىمدىلىگى تەكسەرىلدى. سونداي-اق تاۋارلاردىڭ سورەلەردە بولۋى مەن قويماداعى قور كولەمىنە ەرەكشە نازار اۋدارىلدى.
قىزىلوردا وبلىسىندا 31 جەلتوقسان مەن 2026 جىلدىڭ 1 قاڭتار كۇندەرى ازىق-ت ۇلىك تاۋارلارىنىڭ باعاسىنا مونيتورينگ وبلىس اكىمىنىڭ ورىنباسارى ارداق زەبەشەۆتىڭ جەتەكشىلىگىمەن جۇرگىزىلدى. ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى, اۋىل شارۋاشىلىعى جانە جەر قاتىناستارى باسقارماسى, كاسىپكەرلىك جانە ونەركاسىپ باسقارماسى, مەملەكەتتىك كىرىستەر دەپارتامەنتى, سونداي-اق «بايقوڭىر» اكك» اق وكىلدەرىنەن قۇرالعان جۇمىس توبى قىزىلوردا قالاسىنداعى «سىباعا», «سمولل» جانە «قىزىلوردا» ساۋدا جەلىلەرىندە تەكسەرۋ جۇمىستارىن جۇرگىزدى.
1 قاڭتاردا باتىس قازاقستان وبلىسى اكىمىنىڭ ورىنباسارى قاليار ايتمۇحامبەتوۆ وبلىستىق ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى مەن كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىلىعىمەن بىرلەسىپ ورال قالاسىنداعى ءىرى ساۋدا جەلىلەرىندە باعا مونيتورينگىن وتكىزدى.
6 قاڭتاردا سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ پەتروپاۆل قالاسىنداعى ءىرى ساۋدا نۇكتەلەرىندە ءبىرىنشى كەزەكتەگى ازىق-ت ۇلىك تاۋارلارىنىڭ باعاسىن جەكە ءوزى تەكسەردى.
«وڭىردە باعانىڭ ءوسۋىن تەجەۋ ماقساتىندا تۇراقتاندىرۋ قورى جۇمىس ىستەيدى. وتكەن جىلى ونىڭ قارجىلاندىرۋ كولەمى 2,9 ملرد تەڭگەنى قۇرادى, شامامەن 13 مىڭ توننا ءونىم ساتىپ الىندى. بۇل قالا حالقىنىڭ ءۇش ايلىق قاجەتتىلىگىنىڭ 50 پايىزىنا تەڭ. قازىرگى ۋاقىتتا تۇراقتاندىرۋ قورىنىڭ قورلارى شامامەن 12 مىڭ توننانى قۇرايدى», دەدى سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ.
ماڭعىستاۋ وبلىسىندا ءتورت ءىرى ساۋدا جەلىسىندە, وننان استام ءۇي ماڭىنداعى دۇكەندە, سونداي-اق ءتورت كوتەرمە بازاردا باعا مونيتورينگى جۇرگىزىلدى.
سونىمەن قاتار ساۋدا كوميتەتى وتكەن جىلدىڭ قورىتىندىسىن شىعاردى. 2025 جىلى الەۋمەتتىك ماڭىزى بار ازىق-ت ۇلىك تاۋارلارىنا بەلگىلەنگەن شەكتى ساۋدا ۇستەمەسىن اسىرۋ دەرەكتەرى بويىنشا قر اقبتك-ءنىڭ 204-4-بابىنا سايكەس 2 796 اكىمشىلىك قاۋلى شىعارىلدى. ونىڭ ىشىندە 55,7 ملن تەڭگەدەن استام سوماعا 1 625 ايىپپۇل سالىندى.