جەدەل-ىزدەستىرۋ ءىس-شارالارى بارىسىندا قاراعاندى وبلىسىنىڭ كريمينالدىق پوليتسيا قىزمەتكەرلەرى ىشكى ىستەر مينيسترلىگىنىڭ ۇيلەستىرۋىمەن اقبوكەندەردىڭ دەريۆاتتارىن ودان ءارى وتكىزۋ ماقساتىندا ولاردى زاڭسىز اۋلاۋمەن اينالىسقان ءۇش ادامنان تۇراتىن براكونەرلىك قىلمىستىق توپتى ۇستادى, دەپ حابارلايدى Egemen.kz.
ۇستالعانداردان جالپى سالماعى شامامەن 400 كەلىنى قۇرايتىن 1 127 اقبوكەن ءمۇيىزى, سونداي-اق ەكى تەگىس ۇڭعىلى مىلتىق تاركىلەندى.
كۇدىكتىلەردى جانە ولاردىڭ بايلانىستارىن ودان ءارى تەكسەرۋ بارىسىندا وتكەن جىلدىڭ 24 جەلتوقسانىندا پاۆلودار وبلىسىندا رەسەي فەدەراتسياسىمەن مەملەكەتتىك شەكارادا ەكى ادامنان تۇراتىن براكونەرلەردىڭ ەكىنشى توبى ۇستالدى. ولاردىڭ ءبىرى — شەتەل ازاماتى. اتالعان تۇلعالار مەملەكەتتىك شەكارا ارقىلى شامامەن 2 مىڭ (1 882) اقبوكەن ءمۇيىزىن كونتراباندالىق جولمەن الىپ وتپەك بولعان. زاڭسىز جۇك كولىگىنىڭ ارنايى جابدىقتالعان جاسىرىن ورنىنا الدىن الا جاسىرىلعان.
اتالعان فاكتىلەر بويىنشا قىلمىستىق ءىس قوزعالىپ, سوتقا دەيىنگى تەرگەپ-تەكسەرۋ جۇرگىزىلۋدە.