ەل تەننيسشىلەرىنىڭ الەمدىك رەيتينگى جاڭارتىلدى

بىلتىرعى جىلدىڭ سوڭىندا WTA-نىڭ قورىتىندى تۋرنيرىندە توپ جارعان رىباكينا بەسىنشى ورىندى ولجالادى. ونىڭ الدىن تەك بەلارۋستىك ارينا سوبولەنكو, پولشالىق يگا شۆيونتەك, امەريكالىق اماندا انيسيموۆا مەن كوري گاۋفف وراپ تۇر. ەلىمىزدىڭ ەكىنشى راكەتكاسى يۋليا پۋتينتسەۆا 74 ورىندى يەلەندى. ال زارينا دياس 281 جانە جىبەك قۇلامباەۆا 380 ساتىعا تابان تىرەدى.

ەرلەر اراسىندا يسپانيالىق كارلوس الكاراس الدا كەلەدى. ونىڭ وكشەلەپ كەلە جاتقاندار قاتارىندا يتاليالىق ياننيك سيننەر, گەرمانيالىق الەكساندر زۆەرەۆ, سەربيالىق نوۆاك دجوكوۆيچ جانە اۋستراليالىق الەكس دە مينۋار سىندى ساڭلاقتار بار. قازاقستاننىڭ ەڭ ۇزدىك ويىنشىسى الەكساندر بۋبليك 11 ورىندى يەلەنىپ وتىر. الەكساندر شەۆچەنكو – 106, دميتري پوپكو – 221, تيموفەي سكاتوۆ – 235, بەيبىت جۇقاەۆ – 277, ميحايل كۋكۋشكين – 313, دميتري ەۆسەەۆ – 382, ءامىر ومارحانوۆ – 826 جانە گەورگي لوماكين – 914 ساتىعا جايعاستى.