«بۋراباي» مەملەكەتتىك ۇلتتىق تابيعي پاركىنىڭ اكىمشىلىگى 2026 جىلدان باستاپ اۆتوكولىكتەر ءۇشىن كىرۋ اقىسىنىڭ كوتەرىلگەنىن حابارلادى. بۇل شەشىم ايلىق ەسەپتىك كورسەتكىشتىڭ (اەك) وسۋىمەن بايلانىستى, دەپ حابارلايدى Egemen.kz.
2026 جىلى اەك مولشەرى 4 325 تەڭگەنى قۇرادى (سالىستىرمالى تۇردە: 2025 جىلى 3 932 تەڭگە بولعان). وسىعان وراي, ەرەكشە قورعالاتىن تابيعي اۋماققا كىرۋ ءۇشىن الىناتىن مەملەكەتتىك الىم مولشەرى دە قايتا ەسەپتەلدى.
كۇندەلىكتى تولەم مولشەرى:
ەندى ۇلتتىق پارك اۋماعىنا كولىكپەن كىرەتىندەر ءار تاۋلىك ءۇشىن كەلەسى مولشەردە اقى تولەيدى:
جەڭىل اۆتوكولىكتەر – 1 298 تەڭگە; 16 ورىنعا دەيىنگى شاعىن اۆتوبۋستار مەن جۇك كولىكتەرى – 4 325 تەڭگە; 32 ورىنعا دەيىنگى اۆتوبۋستار – 8 650 تەڭگە; 32 ورىننان اساتىن اۆتوبۋستار – 12 975 تەڭگە.جازعى ماۋسىمداعى جوعارى تاريفتەر:
1 مامىر مەن 30 قىركۇيەك ارالىعىنداعى دەمالىس جانە مەرەكە كۇندەرى ارنايى جوعارىلاتىلعان تاريفتەر قولدانىلادى:
جەڭىل اۆتوكولىكتەر – 1 730 تەڭگە; شاعىن اۆتوبۋستار مەن جۇك كولىكتەرى – 6 488 تەڭگە; 32 ورىنعا دەيىنگى اۆتوبۋستار – 10 813 تەڭگە; 32 ورىننان اساتىن اۆتوبۋستار – 15 138 تەڭگە.ايتا كەتەرلىگى, بۇل وزگەرىستەر تەك اۆتوكولىكپەن كەلۋشىلەرگە قاتىستى.