ەل تۇرعىندارىنا زەينەتاقىسىن مۇراگەرىنە اۋدارۋ مۇمكىندىگى بەرىلەدى

زەينەتاقى اننۋيتەتى دەگەن نە؟

بۇل ازامات پەن ساقتاندىرۋ كومپانياسى اراسىنداعى كەلىسىمشارت. وعان سايكەس, ازامات زەينەتاقى جيناقتارىنىڭ ءبىر بولىگىن ءبىر رەتتىك تولەم رەتىندە ساقتاندىرۋ كومپانياسىنا اۋدارادى, ال كومپانيا ءومىرىنىڭ سوڭىنا دەيىن وعان اي سايىن زەينەتاقى تولەۋگە مىندەتتەلەدى.

قالاي جۇمىس ىستەيدى:

1. ازامات ساقتاندىرۋ كومپانياسىمەن زەينەتاقى اننۋيتەتى تۋرالى كەلىسىمشارت جاسايدى.2. بىرىڭعاي جيناقتاۋشى زەينەتاقى قورىنداعى (بجزق) جيناقتارىنىڭ ءبىر بولىگىن سول كومپانياعا اۋدارادى.3. ساقتاندىرۋ كومپانياسى سول ازاماتقا ءومىر بويى اي سايىن بەلگىلەنگەن مولشەردە زەينەتاقى تولەپ وتىرادى.

بۇل – ۇزاق ءومىر سۇرگەن جاعدايدا دا زەينەتاقىدان ايىرىلىپ قالماۋدىڭ ءبىر جولى, ياعني قارتتىقتى قارجىلاي قامتاماسىز ەتۋدىڭ سەنىمدى ءتاسىلى.

«زەينەتاقى, جاردەماقى, ايىپپۇل»: 2026 جىل ەل تۇرعىندارىنا قانداي وزگەرىس اكەلەدى؟

اننۋيتەتتىڭ ءمانى نەدە؟

ازامات ءوز زەينەتاقى جيناعىن ساقتاندىرۋ كومپانياسىنا اۋدارادى دا ءومىر بويى اي سايىن تولەم الىپ وتىرادى. بۇل تولەمدەردىڭ مولشەرى الدىن الا بەلگىلى جانە كەلىسىمشارتقا تىركەلەتىن تولەم كەستەسىندە كورسەتىلەدى.

مۇنداي تولەمدەردىڭ ەڭ تومەنگى مولشەرى كۇنكورىس مينيمۋمىنىڭ كەم دەگەندە 70%-ىن قۇرايدى. بۇل اننۋيتەتتى بىرىڭعاي جيناقتاۋشى زەينەتاقى قورىنان (بجزق) تولەنەتىن زەينەتاقىمەن سالىستىرعاندا تۇراقتىراق ەتەدى, ويتكەنى بجزق-داعى تولەمدەر شوتتاعى قاراجات تاۋسىلعان كەزدە توقتايدى.

ەگەر كەلىسىمشارتتا كەپىلدەندىرىلگەن تولەمدەر قاراستىرىلعان بولسا, سالىمشى قايتىس بولعاننان كەيىن بۇل تولەمدەر كەلىسىمشارتتا كورسەتىلگەن تۇلعاعا – مىسالى, تۋىسىنا نەمەسە باسقا تاڭداعان ادامعا – بەرىلەدى.

زەينەتاقىنى الۋ ءتارتىبى وزگەرۋى مۇمكىن

جاڭا ەرەجەگە سايكەس نە وزگەرەدى؟

جاڭا تۇزەتۋلەر قابىلدانعاننان كەيىن ازاماتتار مىناداي مۇمكىندىكتەرگە يە بولادى:

-ء بىر رەتتىك تولەم رەتىندە نەمەسە اي سايىنعى تولەم تۇرىندە قالعان كەپىلدەندىرىلگەن تولەم سوماسىن الۋ ءتاسىلىن تاڭداي الادى.

- ساقتاندىرۋ تولەمدەرىن الۋشىنى كەلىسىمشارت شارتتارىن وزگەرتپەي-اق اۋىستىرا الادى. بۇرىنعى الۋشى قايتىس بولعان جاعدايدا نەمەسە سالىمشى تولەمدەردى باسقا تۋىستارىنا, مىسالى, نەمەرەلەرىنە باعىتتاي الادى.

وسىلايشا, جاڭا ەرەجەلەر اننۋيتەتتى يكەمدىرەك ەتىپ, ازاماتتارعا وتباسىنىڭ قارجىلىق قورعانىسىن ءوز بەتىنشە باسقارۋعا مۇمكىندىك بەرەدى.

ەگەر سالىمشىعا ساقتاندىرۋ جارناسىنىڭ جەتپەيتىن بولىگىن تولەۋ قاجەت بولسا, ەندى زاڭنامادا بۇل ناقتى كورسەتىلەدى: بۇل سوما تولىق كولەمدە جانە ءبىر رەتتىك تولەممەن ەنگىزىلۋى ءتيىس. بۇل ەسەپتەۋلەردى جەڭىلدەتىپ, ساقتاندىرۋ كومپانياسىمەن كەلىسپەۋشىلىكتەردى بولدىرمايدى.

Uchet.kz-ءتىڭ جازۋىنشا وسى وزگەرىستەردىڭ ناتيجەسىندە پەنسيوندىق اننۋيتەت اشىق جانە ىڭعايلى جيناقتاۋ قۇرالىنا اينالادى:

- ازامات الدىن الا قانشا الاتىنىن بىلەدى; - تولەمدەردى تۋىستارىنا تاپسىرۋعا بولادى; - ومىرلىك جاعدايلارعا بايلانىستى شارتتى وزگەرتۋ مۇمكىندىگى بار; - اننۋيتەت بويىنشا تولەمدەر تۇراقتى ءارى ەڭ تومەنگى كۇنكورىس دەڭگەيىنەن جوعارى بولادى.

سوندىقتان پەنسيوندىق اننۋيتەت جاي عانا «زەينەتاقى» ەمەس, قارجىلىق جوسپارلاۋ مەن مۇراگەرلىككە بەرۋ مۇمكىندىگى بار قۇرالعا اينالادى, بۇل سالىمشىلار مەن ولاردىڭ وتباسىلارى ءۇشىن پايدالى بولماق.