باتىس قازاقستان وبلىسىندا اۋا رايىنىڭ كۇرت ناشارلاۋىنا بايلانىستى بىرقاتار رەسپۋبليكالىق ماڭىزى بار اۆتوجولدا قوزعالىس ۋاقىتشا شەكتەلدى. بۇل تۋرالى «قازاۆتوجول» ۇلتتىق كومپانياسىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
رەسمي اقپاراتقا سايكەس, 2026 جىلعى 4 قاڭتار كۇنى ساعات 12:00-دەن باستاپ بارلىق كولىك ءتۇرى ءۇشىن قوزعالىسقا شەكتەۋ قويىلعان. بۇعان وڭىردە بايقالعان قولايسىز مەتەوجاعدايلار, اتاپ ايتقاندا, بوران مەن كورىنۋدىڭ تومەندەۋى سەبەپ بولعان.
قوزعالىس شەكتەۋى كەلەسى باعىتتاردا ەنگىزىلدى:
– «قازتالوۆكا – جانىبەك – رف شەكاراسى» اۆتوجولى, 0–158 شاقىرىم ارالىعى (قازتالوۆكا اۋىلىنان جانىبەك اۋىلىنا دەيىن);
– «چاپاي – جالپاقتال – قازتالوۆكا – رف شەكاراسى» اۆتوجولى, 0–201 شاقىرىم (چاپاەۆ كەنتىنەن قازتالوۆكا اۋىلىنا دەيىن);
– «ورال – تاسقالا – رف شەكاراسى» اۆتوجولى, 4–104 شاقىرىم (ورال قالاسىنان رەسەي فەدەراتسياسىنىڭ شەكاراسىنا دەيىن).
بۇل باعىتتاردا بارلىق ساناتتاعى كولىك قوزعالىسى تولىق توقتاتىلعان.
جاۋاپتى مەكەمەنىڭ مالىمەتىنشە, جولداردى اشۋدىڭ بولجامدى ۋاقىتى – 4 قاڭتار كۇنى ساعات 20:00. الايدا بۇل مەرزىم اۋا رايىنىڭ جاعدايىنا بايلانىستى وزگەرۋى مۇمكىن.
ماماندار جۇرگىزۋشىلەرگە الىس جولعا شىقپاۋعا, جولعا شىعار الدىندا اۋا رايى بولجامىن قاداعالاپ وتىرۋعا جانە رەسمي اقپارات كوزدەرىنە سۇيەنۋگە كەڭەس بەرەدى. قيىن جاعدايعا تاپ بولعان جاعدايدا 112 نومىرىنە حابارلاسۋ قاجەت.