اقش قارۋلى كۇشتەرى باس شتابىنىڭ باسشىسى دەن كەين ۆەنەسۋەلانىڭ استاناسى كاراكاسقا جاسالعان شابۋىل جانە ەل پرەزيدەنتى نيكولاس مادۋرونى ۇستاۋ وپەراتسياسىنىڭ ەگجەي-تەگجەيىن ايتتى, دەپ حابارلايدى Egemen.kz.
فلوريدادا وتكەن ءباسپاسوز ءماسليحاتىندا كەين «سوڭعى شەشىم» دەپ اتالعان وپەراتسيانى جوسپارلاۋ مەن دايىنداۋ بىرنەشە ايعا سوزىلعانىن جانە وعان ورتالىق بارلاۋ باسقارماسى (تسرۋ) مەن ۇلتتىق قاۋىپسىزدىك اگەنتتىگى (ۇقا) قولداۋ كورسەتكەنىن مالىمدەدى.
ونىڭ ايتۋىنشا, اقش جەلتوقسان ايىنىڭ باسىنان بەرى بەيبىت تۇرعىندار اراسىنداعى شىعىندى ازايتىپ, توسىننان سوققى جاساۋ فاكتورىن بارىنشا پايدالانۋ ءۇشىن قولايلى كۇندى كۇتكەن. اۋا رايى جاقسارعان سوڭ, پرەزيدەنت دونالد ترامپ جەرگىلىكتى ۋاقىتپەن ساعات 22:46-دا وپەراتسيانى باستاۋ تۋرالى بۇيرىق بەرگەن.
كەين ءتۇن ىشىندە باتىس جارتى شارداعى قۇرلىقتاعى جانە تەڭىزدەگى 20 ءتۇرلى بازادان ۇشاقتار كوتەرىلگەنىن ايتتى. جالپى العاندا, وپەراتسياعا 150 بومبالاۋشى, جويعىش جانە بارلاۋ ۇشاعى قاتىسقان.
اقش ۆەنەسۋەلانىڭ استاناسى كاراكاسقا اۋە سوققىلارىن جاسادى
ونىڭ سوزىنشە, ۇشۋ قۇرامىنداعى ەڭ جاس اسكەري قىزمەتكەر 20 جاستا, ال ەڭ ۇلكەنى 49 جاستا بولعان. تىكۇشاقتار سۋ دەڭگەيىنەن شامامەن 30 مەتر بيىكتىكتە ۇشقان.
وپەراتسيا بارىسىندا F-22, F-35 جانە B-1 ۇلگىسىندەگى ۇشاقتار, سونداي-اق كوپ مولشەردە دروندار پايدالانىلعان. ۆەنەسۋەلا اۋماعىنا جاقىنداعان كەزدە ەلدىڭ اۋە قورعانىس جۇيەلەرى ىستەن شىعا باستاعان. ۇشۋ كەزىندە وپەراتسياعا اقش-تىڭ عارىش قولباسشىلىعى مەن كيبەرقولباسشىلىعى دا قولداۋ كورسەتكەن.
ۆەنەسۋەلاعا ۋاقىتشا پرەزيدەنت تاعايىندالدى
جەرگىلىكتى ۋاقىتپەن ساعات 02:01-دە كاراكاستا مادۋرو كەشەنى توسىننان باسىپ الىنعان. كەيننىڭ ايتۋىنشا, ماقساتقا جەتكەن كەزدە تىكۇشاقتارعا وق اتىلعان, ال ولار ءوزىن-ءوزى قورعاۋ ماقساتىندا جاۋاپ قايتارعان. اقش-تىڭ ءبىر ۇشاعى زاقىمدانعانىمەن, ۇشۋىن جالعاستىرا العان.
گەنەرال وپەراتسيا بارىسىندا بارلاۋ بولىمشەلەرى قۇرلىقتاعى اسكەرگە ناقتى ۋاقىت رەجيمىندە اقپارات بەرىپ وتىرعانىن اتاپ ءوتتى. نيكولاس مادۋرو مەن ونىڭ جۇبايى سيليا فلورەس بەرىلىپ, اقش ادىلەت مينيسترلىگى تاراپىنان قاماۋعا الىنعان.
كەين اقش تاراپى بۇل وپەراتسيا كەزىندە ادام شىعىنىنا ۇشىراماعانىن راستادى. مادۋرو مەن ونىڭ جۇبايى ۇستالعاننان كەيىن امەريكالىق اسكەر ۆەنەسۋەلا اۋماعىنان شىعارىلا باستاعان.
ەۆاكۋاتسيا كەزىندە جويعىش ۇشاقتار مەن دروندار اۋەدەن جانە اتىستىق قولداۋ كورسەتكەن. ونىڭ ايتۋىنشا, بارلىق ۇشاق بازالارىنا امان-ەسەن ورالعان.
جوعارعى سوتتىڭ شەشىمىنە سايكەس, دەلسي رودريگەس نيكولاس مادۋرو تۇتقىندالعاننان كەيىن پرەزيدەنتتىڭ مىندەتىن ۋاقىتشا اتقارادى.
ۆەنەسۋەلا كاراكاستاعى جارىلىستاردان كەيىن اقش-تى اسكەري اگرەسسيا جاسادى دەپ ايىپتادى
The Economic Times مالىمەتىنە سايكەس, كونستيتۋتسيالىق پالاتا بۇل شەشىمدى باسقارۋ توقتاپ قالماۋى جانە اكىمشىلىكتىڭ تۇراقتى جۇمىس ىستەۋىن قامتاماسىز ەتۋ ءۇشىن قابىلدادى.
سوتتىڭ قاۋلىسىندا رودريگەس «ۆەنەسۋەلا بوليۆاريان رەسپۋبليكاسىنىڭ پرەزيدەنتىنىڭ مىندەتىن اتقارىپ, ەلدىڭ اكىمشىلىك جۇمىستارىنىڭ جالعاسۋىن جانە قاۋىپسىزدىگىن قامتاماسىز ەتەدى» دەپ كورسەتىلگەن.
شەشىم مادۋرو قىزمەتىنەن الىنىپ, اقش-قا جەتكىزىلگەننەن كەيىن بىرنەشە ساعات وتكەن سوڭ قابىلداندى. بۇل وقيعا مۇنايعا باي وڭتۇستىك امەريكا ەلىن باسقارۋ ماسەلەسىندە بەلگىسىزدىك تۋعىزدى.
ۆەنەسۋەلا ۆيتسە-پرەزيدەنتى دەلسي رودريگەس اقش-تان نيكولاس مادۋرونى دەرەۋ بوساتۋدى تالاپ ەتىپ, «ۆەنەسۋەلا ەشبىر ەلدىڭ وتارى بولمايتىنىن» جاريا ەتتى.