«قازاقتەلەكوم» ابونەنتتەرى ينتەرنەت جىلدامدىعىنىڭ تومەندەپ كەتكەنىنە نارازى. پايدالانۋشىلاردىڭ ايتۋىنشا, اسىرەسە YouTube پلاتفورماسىنداعى ۆيدەولار وتە باياۋ جۇكتەلىپ جاتىر, دەپ حابارلايدى Egemen.kz.
كومپانيانىڭ Instagram-داعى رەسمي پاراقشاسىندا قولدانۋشىلار قىزمەت ساپاسىنا قاتىستى كوپتەگەن پىكىر قالدىرعان. «قازاقتەلەكوم» تەحنيكالىق اقاۋدىڭ بار ەكەنىن راستاپ, ونى قالپىنا كەلتىرۋ جۇمىستارى ءجۇرىپ جاتقانىن حابارلادى.
«قازاقستان بويىنشا ينتەرنەت جىلدامدىعىنىڭ تومەندەۋىنە بايلانىستى ارنايى تەحنيكالىق اقاۋدى جويۋ تۋرالى سۇرانىس اشىلدى. ماماندار قازىرگى ۋاقىتتا اقاۋدى تۇزەتۋمەن اينالىسىپ جاتىر. تۋىنداعان قولايسىزدىق ءۇشىن كەشىرىم سۇرايمىز. سەرۆيستى قالپىنا كەلتىرۋ جۇمىستارى جۇرگىزىلىپ جاتىر», دەپ جاۋاپ بەردى كومپانيا وكىلدەرى.
ەستەرىڭىزگە سالا كەتەيىك, وتكەن جىلدىڭ قاراشا ايىندا Altel, Beeline جانە Tele2 وپەراتورلارى قازاقستاندا بايلانىس پەن ينتەرنەت تاريفتەرىنىڭ قىمباتتايتىنىن مالىمدەگەن بولاتىن.