قازاقستاندا بالاعات سوزدەر مەن قوقىس تاستاعانى ءۇشىن سالىناتىن ايىپپۇل مولشەرى ءوستى

2026 – 2028 جىلدارعا ارنالعان رەسپۋبليكالىق بيۋدجەت تۋرالى زاڭعا سايكەس, اەك مولشەرى 4 325 تەڭگەگە دەيىن كوتەرىلدى (2025 جىلى 3 932 تەڭگە بولعان). نەگىزگى قۇقىق بۇزۋشىلىقتار ءۇشىن جاڭا ايىپپۇل مولشەرلەرى:

قوعامدىق ورىنداردا بالاعات ءسوز ايتۋ: بۇعان دەيىن مينيمالدى ايىپپۇل 20 اەك نەمەسە 78 640 تەڭگەنى قۇراسا, 2026 جىلى 86 500 تەڭگەگە جەتتى. ساياباقتار مەن سكۆەرلەرگە قوقىس تاستاعانى ءۇشىن ءبىرىنشى رەتتە 10 اەك – 43 250 تەڭگە, ال ءبىر جىل ىشىندە قايتالانعان جاعدايدا 20 اەك – 86 500 تەڭگە ايىپپۇل سالىنادى. الكوگول ءىشۋ نەمەسە ماس كۇيدە كورىنۋ: مينيمالدى ايىپپۇل (5 اەك) 19 660 تەڭگەدەن 21 625 تەڭگەگە, ال قايتالانعان جاعدايدا (10 اەك) 43 250 تەڭگەگە ءوستى. ۇساق بۇزاقىلىق: عيماراتتاردى, قوعامدىق ورىنداردى نەمەسە كولىكتەگى م ۇلىكتى بۇلدىرگەنى ءۇشىن ايىپپۇل ەندى 216 250 تەڭگەنى (50 اەك) قۇرايدى.

قوزعالتقىش كولەمى 4 ليتردەن اساتىن كولىكتەرگە سالىق مولشەرى ءوستى

ۆانداليزم جاساعاندار ءۇشىن قىلمىستىق جازا قاراستىرىلعان. ايىپپۇل مولشەرى 100-دەن 200 اەك-كە دەيىن, ياعني 432 500 تەڭگەدەن 865 000 تەڭگەگە دەيىن بارادى. اۋىرلاتۋشى جاعدايلاردا بۇل سوما 2,1 ميلليوننان 8,6 ميلليون تەڭگەگە (500–2 000 اەك) دەيىن جەتۋى مۇمكىن. ەگەر ءۆانداليزمدى كامەلەتكە تولماعان بالا جاساسا, ونىڭ اتا-اناسىنا نەمەسە قامقورشىسىنا سالىناتىن ايىپپۇل 64 875 تەڭگەنى (15 اەك) قۇرايدى.

1 قاڭتاردان باستاپ ەلىمىزدە نە وزگەرەدى؟