2026 جىلدىڭ 1 قاڭتارىنان باستاپ قازاقستاندا قوزعالتقىش كولەمى ۇلكەن جەڭىل اۆتوكولىكتەرگە سالىناتىن سالىق ايتارلىقتاي ۇلعايدى. وزگەرىس موتورى 4 000 تەكشە سانتيمەتردەن اساتىن كولىكتەرگە قاتىستى, دەپ حابارلايدى Egemen.kz.
جاڭارتىلعان سالىق كودەكسىنە سايكەس, مۇنداي اۆتوكولىكتەر ءۇشىن مولشەرلەمە ەندى 117 اەك-ءتى قۇرايدى. بۇعان دەيىن 4 ليتردەن اساتىن كولىك يەلەرى 100 اەك تولەپ كەلسە, ەندى سالىق بىردەن 17%-عا وسكەن.
2026 جىلدىڭ 1 قاڭتارىنان باستاپ بەلگىلەنگەن ايلىق ەسەپتىك كورسەتكىشتىڭ (4 325 تەڭگە) مولشەرىن ەسكەرسەك, 4 ليترلىك جانە ودان دا ۇلكەن قوزعالتقىشى بار اۆتوموبيلدەر ءۇشىن جىلدىق سالىق سوماسى ەندى 506 025 تەڭگەنى قۇرايدى.
كەيبىر جۇرگىزۋشىلەر ءۇشىن اۆتوساقتاندىرۋ قۇنى ارزاندايتىن بولدى
بۇل وزگەرىس ءىرى جول تالعامايتىن كولىكتەردىڭ, قۋاتتى سەداندار مەن قوزعالتقىش كولەمى ۇلكەن پرەميۋم مودەلدەردىڭ يەلەرىنە تىكەلەي اسەر ەتەدى. دەگەنمەن, كولىك سالىعىن ەسەپتەۋدىڭ نەگىزگى قاعيداسى ساقتالعان: مولشەرلەمە قوزعالتقىش كولەمىنە بايلانىستى جانە اەك بويىنشا ەسەپتەلەدى.
كولىك ءنومىرىن تاڭداۋ: 5 قاڭتاردان باستاپ كەز كەلگەن ءارىپ پەن ساندى ساتىپ الۋعا بولادى
جاڭا ەرەجەلەر جىل باسىنان باستاپ كۇشىنە ەندى جانە اعىمداعى سالىق كەزەڭى ءۇشىن تولەمدەردى ەسەپتەۋ كەزىندە قولدانىلادى.