ىشكى ىستەر مينيسترلىگىنىڭ مالىمەتىنشە, قازاقستاندا كولىك يەلەرى ءۇشىن مەملەكەتتىك نومىرلەردى تاڭداۋدىڭ جاڭا ەرەجەلەرى كۇشىنە ەنەدى. ەندى ازاماتتار 5 قاڭتاردان باستاپ بەلگىلەنگەن باج سالىعىن تولەپ, نومىردەگى تسيفرلار مەن ارىپتەردى ءوز قالاۋىنشا قۇراستىرا الادى, دەپ حابارلايدى Egemen.kz.
مەملەكەتتىك ءنومىردىڭ تۇرىنە قاراي تولەم مولشەرى دە ءارتۇرلى بولادى:
ەگەر اۆتوكولىك يەسى وزىنە ۇنايتىن كەز كەلگەن ساندار مەن ارىپتەردىڭ جيىنتىعىن العىسى كەلسە, 10 اەك (43 250 تەڭگە) تولەيدى.
«اينالى» نومىرلەردىڭ قۇنى 15 اەك-ءتى قۇرايدى.
كەيبىر جۇرگىزۋشىلەر ءۇشىن اۆتوساقتاندىرۋ قۇنى ارزاندايتىن بولدى
جوعارى سۇرانىسقا يە نومىرلەر ءۇشىن بولەك تاريفتەر بەكىتىلگەن. ەڭ قىمبات ساناتقا كەلەسى نومىرلەر جاتادى:
001, 002, 003, 004, 005, 006, 007, 008, 009, 777 ساندارى جانە ولارمەن بىرگە كەلەتىن بىردەي ارىپتەر.مۇنداي ءنومىردى تاعۋ ءۇشىن 285 اەك كولەمىندە سالىق تولەۋ قاجەت. بۇل شامامەن 1 230 000 تەڭگە.
اۆتوكولىكتەردى قاي ءوڭىر كوبىرەك ءوندىردى؟
ەسكەرتە كەتەيىك, 2026 جىلى 1 اەك (ايلىق ەسەپتىك كورسەتكىش) مولشەرى 4 325 تەڭگە بولىپ بەكىتىلگەن.