وڭتۇستىك كورەيالىق Samsung Electronics كومپانياسى قازاقستاندا تەلەديدار مەن كىر جۋعىش ماشينالارىن شىعارۋ ءوندىرىسىن رەسمي تۇردە ىسكە قوستى. بۇل – الىپ كومپانيانىڭ ورتالىق ازياداعى العاشقى وندىرىستىك جوباسى. ءوندىرىستىڭ اشىلۋى – قازاقستاننىڭ ونەركاسىپتىك الەۋەتىن نىعايتۋ جانە الەمدىك تەحنولوگيالىق برەندتەردىڭ وڭىرلەردە قاتىسۋىن كەڭەيتۋ باعىتىندا ماڭىزدى قادام, دەپ جازادى Egemen.kz.
ءوندىرىس تۋرالى
جاڭا وندىرىستىك جەلىلەر قاراعاندى وبلىسىنا قاراستى ساران قالاسىنداعى Silk Road Electronics زاۋىتىندا جۇمىس ىستەيدى. كاسىپورىندا 1 100-دەن استام قىزمەتكەر ەڭبەك ەتەدى.
جوبا قازاقستان ۇكىمەتى, جەكە ينۆەستورلار جانە سالالىق سەرىكتەستەر قاتىساتىن بىرلەسكەن باستاما رەتىندە جۇزەگە اسىرىلىپ جاتىر. ونىڭ نەگىزگى ماقساتى – ىشكى ماشينا جاساۋ سالاسىن دامىتۋ جانە جوعارى تەحنولوگيالىق ءوندىرىستى لوكاليزاتسيالاۋ.
الەۋەتى زور
زاۋىتتىڭ جىلدىق قۋاتى: 150 000 تەلەديدار جانە 200 000 كىر جۋعىش ماشينا.
قازىرگى ۋاقىتتا SmartThings ەكوجۇيەسىن قولدايتىن كىر جۋعىش ماشينالار, سونداي-اق Crystal UHD 4K, FHD جانە HD سەريالى تەلەديدارلار شىعارىلادى.
2025 جىلى سەريالىق ءوندىرىس باستالعاننان بەرى 42 000-نان استام تەحنيكا بىرلىگى شىعارىلدى, ونىڭ ىشىندە جاساندى ينتەللەكت (جي) ەلەمەنتتەرى مەن قازاق تىلىندەگى ينتەرفەيس بار مودەلدەر بار.
جوسپاردا QLED سەريالى تەلەديدارلاردى شىعارۋ جانە 2026 جىلعى مودەلدەرگە دايىندىق بار, ولار تولىقتاي Samsung حالىقارالىق ستاندارتتارىنا سايكەس كەلەدى.
شەتەل ينۆەستورلارى وتاندىق مۇناي كەن ورىندارىنان كەتكىسى كەلمەيدى. سەبەبى نەدە؟