استانا قالاسىنىڭ تسيفرلىق سەرۆيستەرىن جاڭعىرتۋ اياسىندا 2026 جىلعى 1 قاڭتاردان باستاپ iKOMEK109 قولدانىستاعى ءموبيلدى قوسىمشاسى ارقىلى وتىنىشتەردى قابىلداۋ ۋاقىتشا توقتاتىلادى, دەپ حابارلايدى Egemen.kz.
– جاڭارتىلعان ءموبيلدى قوسىمشا ىسكە قوسىلعانعا دەيىن تۇرعىندار مەن قالا قوناقتارى ءوز وتىنىشتەرىن بالاما ارنالار ارقىلى جولداي الادى. اتاپ ايتقاندا, وتىنىشتەردى iKOMEK109 Telegram چات-بوتى ارقىلى, 109 ءنومىرى بويىنشا بايلانىس ورتالىعىنا حابارلاسىپ (قالالىق جانە ۇيالى تەلەفونداردان), استانا قالاسى اكىمدىگىنىڭ رەسمي سايتى – www.gov.kz, 109@ikomekastana.kz ەلەكتروندىق پوشتاسى, سونداي-اق iKOMEK109-تىڭ Facebook جانە Instagram الەۋمەتتىك جەلىلەرىندەگى رەسمي پاراقشالارى ارقىلى جىبەرۋگە بولادى, – دەلىنگەن اقپاراتتا.
استانا قالاسى اكىمدىگىنىڭ مونيتورينگ جانە جەدەل ارەكەت ەتۋ ورتالىعى ۋاقىتشا قولايسىزدىقتارعا بايلانىستى قالا تۇرعىندارى مەن قوناقتارىنان تۇسىنىستىك تانىتۋدى سۇراپ, كەلتىرىلگەن قولايسىزدىقتار ءۇشىن كەشىرىم سۇرادى.