پاۆلوداردا عاجايىپقا تولى پرەزيدەنت شىرشاسى ءوتتى. كوڭىلدى ءارى جارقىن مەرەكەدە 200 بالاعا ءتاتتى سىيلىق ۇلەستىرىلىپ, ارقايسىسىنا 150 مىڭ تەڭگەدەن تارتۋ جاسالدى.
جاڭا جىلدىق شوۋ-مەرەكەگە شاقىرىلعان جاسوسپىرىمدەر اراسىندا جەتىم, ەرەكشە ءبىلىم بەرۋ قاجەتتىلىكتەرى بار بالالار, كوپبالالى وتباسىلاردان شىققان, سونداي-اق وقۋ, سپورت جانە شىعارماشىلىق سالالارىندا ۇزدىك جەتىستىكتەرگە جەتكەن وقۋشىلار بولدى. ولاردىڭ ارقايسىسى ءۇشىن بۇل كۇن جىلىلىققا, قامقورلىققا جانە عاجايىپقا دەگەن سەنىمگە تولى ناعىز ەرتەگىگە اينالدى.
ءوڭىر باسشىسى اسايىن بايحانوۆ بالالاردى مەملەكەت باسشىسى اتىنان قۇتتىقتادى. پرەزيدەنتىمىزدىڭ وسكەلەڭ جاس ۇرپاققا ۇلكەن ءۇمىت ارتىپ وتىرعانىن اتاپ ءوتىپ, بالالاردى «اقتالعان سەنىمنىڭ شامشىراعى» بولۋعا شاقىردى.
بالالار ءۇشىن اياز اتا, اقشاقار, تۇلپار, جىلان, بارحان, قىزعالداق, دومبىرا جانە قازاق ەلى بەينەسى سىندى ەرتەگىلىك ءارى ەتنوستىق كەيىپكەرلەردىڭ قاتىسۋىمەن مازمۇندى مەرەكەلىك باعدارلاما ۇيىمداستىرىلدى. ۇلى دالا كارتاسى ورتالىق سيمۆولعا اينالعان, وتانعا دەگەن سۇيىسپەنشىلىكتى, بىرلىكتى, دوستىق پەن بەيبىتشىلىكتى بەينەلەيتىن اسەرلى تەاترلاندىرىلعان قويىلىم ۇسىنىلدى.
ءاربىر بالاعا پرەزيدەنتتىڭ اتىنان قۇتتىقتاۋ اشىقحاتى, كىتاپ, جۇمساق ويىنشىق, تاتتىلەر مەن 150 مىڭ تەڭگە اقشالاي سەرتيفيكات تاپسىرىلدى.
پاۆلودار وبلىسى