Google كومپانياسى 2025 جىلدىڭ ەڭ تانىمال ىزدەۋ سۇرانىستارىنىڭ رەيتينگىن جاريالادى. بيىل قولدانۋشىلار جاساندى ينتەللەكت, ءىرى سپورتتىق جارىستار جانە جاڭا iPhone تۋرالى اقپاراتتى ءجيى ىزدەگەن, دەپ حابارلايدى Egemen.kz.
Google دەرەگىنشە, ەڭ تانىمال سۇرانىس Gemini بولدى. جاساندى ينتەللەكتكە ارنالعان سەرۆيس سپورتتىق جانە ساياسي وقيعالاردى دا ارتتا قالدىرىپ, نەيروجەلىلەرگە دەگەن جاھاندىق قىزىعۋشىلىقتىڭ ارتقانىن كورسەتتى. ەكىنشى ورىنعا ءۇندىستان مەن انگليا قۇرامالارى اراسىنداعى كريكەت ماتچتارى جايعاستى. سونداي-اق رەيتينگكە قىتايلىق DeepSeek نەيروجەلىسى, يران مەن يزرايل اراسىنداعى قاقتىعىستىڭ ۋشىعۋى جانە iPhone 17 جاڭا ۇلگىسى ەندى.
2025 جىلدىڭ ەڭ تانىمال جاڭالىقتارى«جاڭالىقتار» ساناتىندا قولدانۋشىلار ەڭ كوپ ىزدەگەن تاقىرىپ – اقش-تاعى ساياسي بەلسەندى, دونالد ترامپتىڭ جاقتاسى چارلي كيركتىڭ ءولىمى بولدى. ول 10 قىركۇيەك كۇنى يۋتا شتاتىندا كوپشىلىك الدىندا ءسوز سويلەپ تۇرعان كەزدە وققا ۇشقان.
سونداي-اق ەڭ كوپ تالقىلانعان جاڭالىقتاردىڭ قاتارىندا اقش ۇكىمەتىنىڭ ۋاقىتشا جۇمىسىنىڭ توقتاۋى, جاڭا ريم پاپاسىنىڭ سايلانۋى جانە لوس-اندجەلەستەگى ورمان ورتتەرى بار. ينتەرنەتتە 30 شىلدەدە بولعان كامچاتكاداعى جويقىن جەر سىلكىنىسى دە كەڭ رەزونانس تۋدىردى. بۇل ءزىلزالا وڭىردە 1952 جىلدان بەرگى ەڭ قۋاتتى جەر سىلكىنىسى رەتىندە تىركەلدى.
جىلدىڭ ەڭ تانىمال تۇلعالارىساياساتكەرلەر اراسىندا ىزدەۋ سۇرانىستارى بويىنشا جاپونيانىڭ جاڭا پرەمەر-ءمينيسترى, ەل تاريحىنداعى العاشقى ايەل ۇكىمەت باسشىسى ساناە تاكايتي الدىڭعى قاتارعا شىقتى. ول تايۆان توڭىرەگىندەگى جاعدايدى جاپونيا ءۇشىن قاۋىپ دەپ اتاپ, قىتايمەن ديپلوماتيالىق شيەلەنىسكە سەبەپ بولعان مالىمدەمەسىمەن ەستە قالدى.
«تۇلعالار» ساناتىندا ەڭ كوپ ىزدەلگەن ەسىم – امەريكالىق ءانشى دەۆيد بەرك. ول 14 جاستاعى قىزدىڭ ولىمىنە بايلانىستى ءىس بويىنشا باستى كۇدىكتى رەتىندە تانىلدى, مارقۇمنىڭ ءمايىتى ونىڭ كولىگىنەن تابىلعان.
كينو سالاسىندا قولدانۋشىلار «انورا», «سۋپەرمەن» جانە «Minecraft: كينواداپتاتسيا» فيلمدەرىن ءجيى ىزدەگەن. ال ەڭ تانىمال اكتريسا – «وسكار» سىيلىعىنىڭ لاۋرەاتى مايكي مەديسون.
Google وكىلدەرى بۇل رەيتينگ جالپى ىزدەۋ سانىنا ەمەس, وتكەن جىلمەن سالىستىرعانداعى قىزىعۋشىلىقتىڭ وسۋىنە نەگىزدەلگەنىن اتاپ ءوتتى.