2025 جىلى ەلىمىزدەگى ماڭىزدى جۇمىس باعىتتارىنىڭ ءبىرى – «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ بولدى. بيىل پرەزيدەنت اكىمشىلىگىنە 82,5 مىڭ ءوتىنىش كەلىپ تۇسكەن. بۇل تۋرالى پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىباي تەلەگرام ارناسىندا مالىمدەدى, دەپ جازادى Egemen.kz.
بۇگىندە ازاماتتاردىڭ تالاپ-تىلەگىن ساپالى قاراۋ ءۇشىن eOtinish جۇيەسىندە تولىق تسيفرلىق ينفراقۇرىلىم جاساقتالدى. وعان 50 مىڭ ۇيىم جانە 320 مىڭ قىزمەتكەر قوسىلدى.
وتىنىشتەردى قاراۋ ۇدەرىسى ۇدايى جەتىلدىرىلىپ وتىرادى: جاساندى ينتەللەكت ەلەمەنتتەرى ەنگىزىلىپ, اقش, وڭتۇستىك كورەيا جانە سينگاپۋر سەكىلدى وزىق ەلدەردىڭ تسيفرلىق ۇكىمەت تاجىريبەسى زەردەلەنۋدە.
ديالوگ وفلاين-فورماتتا دا جۇرەدى. وڭىرلەردە ازاماتتاردان ءوتىنىش قابىلدايتىن 150-دەن استام ورتالىق جۇمىس ىستەيدى. بيىل 360 مىڭنان اسا ادامعا ءتيىستى كومەك كورسەتىلدى.
بيىل ەلىمىزدىڭ تسيفرلىق ەكوجۇيەسىن قالىپتاستىرۋ اياسىندا دا قىرۋار شارۋا اتقارىلدى.
سونداي-اق 2025 جىلى ەل ەكونوميكاسىنداعى ءوسىم سوڭعى ون جىلداعى ەڭ جوعارى كورسەتكىشكە جەتتى.
جۇمىسشى ماماندىقتارى جىلى اياسىندا ونەركاسىپ پەن قۇرىلىس سالاسىنداعى 500-گە جۋىق قىزمەتكەرگە جوعارى ماراپاتتار تابىستالدى.