بيىل مەملەكەت باسشىسىنىڭ سىرتقى جانە ىشكى ساياسات باعىتىنداعى قىزمەتى وتە قاۋىرت ءارى جەمىستى ءوتتى. پرەزيدەنتتىڭ ءباسپاسوز حاتشىسى رۋسلان جەلدىباي وسىلاي دەپ جازبا جاريالادى, دەپ جازادى Egemen.kz.
«2025 جىل ەلەۋلى ساياسي جانە الەۋمەتتىك-ەكونوميكالىق جاڭعىرۋلارعا تولى بولدى. ەڭ باستىسى, حالىقتىڭ تۇرمىس-تىرشىلىگىندە وڭ وزگەرىستەر ورىن الدى. جاڭا ءوندىرىس ورىندارى اشىلىپ, قامبا استىققا تولدى. تۇرعىن ۇيلەر, مەكتەپتەر مەن اۋرۋحانالار سالىنىپ, كولىك جولدارى جاڭارتىلدى», دەلىنگەن حابارلامادا.ەسەپكە سايكەس, قاسىم-جومارت توقاەۆ بيىل ەلىمىزدىڭ 9 وڭىرىنە جۇمىس ساپارىمەن بارىپ, 50-دەن استام وندىرىستىك, عىلىمي, الەۋمەتتىك-مادەني نىساندى ارالاپ كورگەن.سونداي-اق پرەزيدەنت 16 وبلىس جانە رەسپۋبليكالىق ماڭىزى بار قالا اكىمدەرىنىڭ ەسەبىن تىڭداعان.