جاڭا جىل تابالدىرىقتان اتتاعان ساتتەن باستاپ ەلىمىزدىڭ تىنىس-تىرشىلىگىندە ايتۋلى وزگەرىستەر بولادى. قاڭتار ايى ازاماتتار ءۇشىن تەك دەمالىس كۇندەرىمەن عانا ەمەس, قۇقىقتىق جانە ەكونوميكالىق ماڭىزى بار جاڭا ەرەجەلەرمەن ەستە قالماق. بۇل ايدا ءبىزدى 12 دەمالىس پەن 19 جۇمىس كۇنى كۇتىپ تۇر, دەپ جازادى Egemen.kz.
2026 جىلدىڭ 1 قاڭتارىنان باستاپ ەلىمىزدىڭ ەكونوميكالىق قاتىناستارىن رەتتەيتىن نەگىزگى قۇجات – جاڭا سالىق كودەكسى كۇشىنە ەنەدى. مۇنداعى ەڭ ماڭىزدى وزگەرىستەردىڭ ءبىرى – قوسىلعان قۇن سالىعىنىڭ (ققس) 12% دەڭگەيىنەن 16% دەڭگەيىنە دەيىن كوتەرىلۋى. سونىمەن قاتار ققس بويىنشا مىندەتتى تىركەۋ شەگى 15 ملن تەڭگەدەن 40 ملن تەڭگەگە دەيىن ۇلعايتىلدى.
1 قاڭتاردان باستاپ سالىق رەفورماسى كۇشىنە ەنەدى. بازارداعى باعا شارىقتاۋى ىقتيمال
الايدا مەملەكەت الەۋمەتتىك ماڭىزدى سالالاردى سالىقتىق جۇكتەمەدەن قورعاۋدى دا ۇمىتقان جوق. ەندى تومەندەگى تاۋارلار مەن قىزمەتتەر ققس-تان بوساتىلادى:
تەگىن مەديتسينالىق كومەكتىڭ كەپىلدىك بەرىلگەن كولەمى اياسىنداعى تاۋارلار مەن قىزمەتتەر; مىندەتتى مەديتسينالىق ساقتاندىرۋ قىزمەتتەرى; وتاندىق باسپا ونىمدەرى (كىتاپتار) مەن ولاردى باسىپ شىعارۋ قىزمەتتەرى.جەكە جانە كورپوراتيۆتى تابىس سالىعى بويىنشا جاڭا ءتارتىپ ورنايدى. كورپوراتيۆتىك تابىس سالىعىنىڭ (كتس) بازالىق مولشەرلەمەسى 20% بولىپ بەكىتىلسە دە, كەيبىر سەكتورلار ءۇشىن ءوسىم قاراستىرىلعان:
25% – بانكتەر (شوب-تى نەسيەلەۋدى قوسپاعاندا) مەن ويىن بيزنەسى ءۇشىن; 5% (2026 جىلى) جانە 10% (2027 جىلدان باستاپ) – الەۋمەتتىك سالا ۇيىمدارى ءۇشىن; 3% – اۋىل شارۋاشىلىعى وندىرۋشىلەرى ءۇشىن ساقتالادى.ال جىلىنا 8500 اەك-كە دەيىن (33,5 ملن تەڭگە) تابىس تاباتىندار ءۇشىن 10% مولشەرلەمە ساقتالادى. ال تابىسى بۇل شەكتەن اساتىن تۇلعالار 15% تولەيتىن بولادى. ديۆيدەندتەر بويىنشا دا وسىعان ۇقساس ءتاسىل قولدانىلادى: جىلىنا 230 000 اەك (شامامەن 995 ملن تەڭگە) شەگىندەگى تابىسقا 5% جەڭىلدىك قولدانىلسا, ودان اسقان سوماعا 15% سالىق سالىنادى.
الەۋمەتتىك كەپىلدىكتەر مەن اەك ءوسىمى2026 جىلدىڭ 1 قاڭتارىنان باستاپ «2026 – 2028 جىلدارعا ارنالعان رەسپۋبليكالىق بيۋدجەت تۋرالى» زاڭ كۇشىنە ەنەدى. سوعان سايكەس, ايلىق ەسەپتىك كورسەتكىش (اەك) 393 تەڭگەگە ءوسىپ, 4 325 تەڭگەنى قۇرايدى.
جاڭا جىلداعى نەگىزگى الەۋمەتتىك كورسەتكىشتەر:
ەڭ تومەنگى بازالىق زەينەتاقى تولەمى – 35 596 تەڭگە; ەڭ تومەنگى زەينەتاقى مولشەرى – 69 049 تەڭگە; ەڭ تومەنگى كۇنكورىس دەڭگەيى – 50 851 تەڭگە. ەڭ تومەنگى جالاقى (مزپ) وزگەرىسسىز قالادى – 85 000 تەڭگە.فوتو: اشىق دەرەككوز
بيۋدجەتتە زەينەتاقىنى 10% يندەكساتسيالاۋ قاراستىرىلعان. سونىمەن قاتار ۇكىمەتتىڭ 2025 جىلعى 17 جەلتوقسانداعى قاۋلىسىنا سايكەس, ەڭبەككە قابىلەتتىلىگىنەن جانە اسىراۋشىسىنان ايىرىلۋ جاعدايلارى بويىنشا الەۋمەتتىك تولەمدەر دە ناقتى الىپ وتىرعان سومادان 10% مولشەرىنە ارتادى.
زەينەتاقى جيناعى: تاڭداۋ مەن شەكتەۋزەينەتاقى جيناعىن ماقساتتى پايدالانۋ ءۇشىن قاجەتتى «جەتكىلىكتىك شەگى» 2026 جىلى ورتا ەسەپپەن 10% دەڭگەيىنە جوعارىلايدى.
جاڭا جىلعا دەيىن زەينەتاقى جيناعىنان قالاي اقشا الىپ قالۋعا بولادى؟
ەسەسىنە, ءاربىر سالىمشى ءوز جيناعىن ينۆەستيتسيالاۋدىڭ ءۇش ستراتەگياسىنىڭ (كونسەرۆاتيۆتى, تەڭگەرىمدى جانە اگرەسسيۆتى) ءبىرىن ءوز بەتىنشە تاڭداۋ قۇقىعىنا يە بولادى.
2026 جىلى زەينەتاقى جيناعىنىڭ شەگى وزگەرەدى
ءموبيلدى اۋدارىمدار مەن قارجىلىق باقىلاۋ1 قاڭتاردان باستاپ بانك شوتتارى مەن ءموبيلدى اۋدارىمداردى باقىلاۋدىڭ جاڭا ەرەجەلەرى ىسكە قوسىلادى. ەگەر جەكە تۇلعانىڭ شوتىنا ءۇش اي قاتارىنان اي سايىن 100 جانە ودان دا كوپ ءتۇرلى ادامنان اقشا تۇسسە جانە بۇل سوما 12 ەڭ تومەنگى جالاقىدان (2026 جىلى 1,02 ملن تەڭگەدەن) اسسا, بۇل كاسىپكەرلىك قىزمەتتىڭ بەلگىسى رەتىندە قاراستىرىلادى.
قۇجات راسىمدەۋ جانە ءمامس جاڭالىقتارىالعاش رەت كۋالىك الاتىندار نەمەسە مەرزىمى وتكەن قۇجاتتى اۋىستىراتىندار ءۇشىن مەملەكەتتىك باج الىنبايدى (تەگىن). الايدا كۋالىكتى جىلىنا ەكى رەتتەن كوپ جوعالتقاندار 1 اەك (4 325 تەڭگە) تولەيدى. پاسپورت باعاسى:
بالالارعا – 17 300 تەڭگە (4 اەك); 36 بەتتىك – 34 600 تەڭگە (8 اەك); 48 بەتتىك – 51 900 تەڭگە (12 اەك).ساقتاندىرۋ جۇيەسىنە كەمىندە 5 جىل بويى تۇراقتى جارنا تولەگەن ازاماتتار تابىسىنان ايىرىلعان جاعدايدا 6 ايعا دەيىن ساقتاندىرىلعان مارتەبەسىن ساقتايدى. باسقالار ءۇشىن بۇل مەرزىم 3 اي.
«ساقتاندىرىلعان» مارتەبەسى 6 ايعا ۇزارتىلادى
سونداي-اق 2026 جىلدان باستاپ قانت ديابەتىمەن اۋىراتىن ناۋقاستاردى ەمدەۋ مەن باقىلاۋ تولىقتاي ءمامس جۇيەسىنە ەنەدى.
نارىقتاعى باعا مەن ينفلياتسيالىق قىسىمۇلتتىق بانك ققس-تىڭ كوتەرىلۋىنە بايلانىستى ينفلياتسيانىڭ جەدەلدەۋى مۇمكىن ەكەنىن ەسكەرتەدى. بۇل اسىرەسە ازىق-ت ۇلىك ەمەس تاۋارلار مەن قىزمەت كورسەتۋ سالاسىنا اسەر ەتپەك.
بايلانىس پەن ينتەرنەت: Beeline مەن Tele2/Altel تاريفتەردى كوتەرۋدە. كۇندەلىكتى پاكەتتەر 30-40 تەڭگەگە, ال «مەنياي ۆسە Promo» سياقتى تاريفتەر 270 تەڭگەدەن 300 تەڭگەگە دەيىن وسەدى. لوگيستيكا: مۇناي تاسىمالداۋ ءتاريفى 37,9% مولشەرىنە (تونناسىنا 6 777,76 تەڭگە) قىمباتتايدى. تەمىرجول: كتج تاريفتەردى ءوسىرۋدى جوسپارلاعانىمەن, 2026 جىلدىڭ 1-توقسانىنا موراتوري ەنگىزىلدى. تەحنيكا: وپەراتيۆتى جادى (DDR5) مەن SSD-ديسكىلەردىڭ تاپشىلىعى باعانىڭ 100% دەڭگەيىنە دەيىن وسۋىنە اكەلەدى. ەلەكتروموبيلدەر: كۆوتانىڭ بولماۋىنا بايلانىستى باعا 30-40% مولشەرگە جەتەدى. جىلجىمايتىن م ۇلىك: ەليتالىق باسپانالار مەن تاۋلىكتىك جالعا الۋ باعاسىنىڭ 46,6% دەڭگەيىنە دەيىن ءوسۋى بايقالىپ وتىر. (تاۋلىگىنە 15 مىڭ تەڭگەدەن 22 مىڭ تەڭگەگە دەيىن).فوتو: اشىق دەرەككوز
اەك-ءتىڭ وسۋىمەن قاتار ايىپپۇلدار دا ارتادى. جىلدامدىقتى 10-20 كم/ساع اسىرۋ 21 625 تەڭگەگە, ال 40 كم/ساع ارتىق اسىرۋ 86 500 تەڭگەگە جەتەدى. نوتاريۋس قىزمەتتەرى دە قىمباتتايدى: قالاداعى م ۇلىك كەلىسىمى 51 900 تەڭگەگە دەيىن, اۋىلدا 11 677 تەڭگەگە دەيىن بارادى.
18 قاڭتاردان باستاپ جي جۇيەلەرىن قولدانۋ بويىنشا جاڭا تالاپتار كۇشىنە ەنەدى. ونىڭ كومەگىمەن جاسالعان ونىمدەر مىندەتتى تۇردە تاڭبالانۋى ءتيىس. زاڭ بۇزۋشىلارعا 15 اەك-تەن 200 اەك-كە دەيىن ء(ىرى بيزنەس ءۇشىن) ايىپپۇل سالىنادى.