بىرىككەن اراب امىرلىكتەرىندە Globe Soccer Awards سىيلىعىن تابىستاۋ ءراسىمى ءوتتى. سالتاناتتى ءىس-شارادا ال-ناسر جانە پورتۋگاليا قۇراماسىنىڭ شابۋىلشىسى كريشتيانۋ رونالدۋ 2025 جىلدىڭ «تاياۋ شىعىس ەلدەرىندەگى ۇزدىك ويىنشىسى» اتاندى, دەپ جازادى Egemen.kz.
ول وسىمەن ءۇشىنشى رەت Globe Soccer Awards نۇسقاسىندا «تاياۋ شىعىس ەلدەرىندەگى ۇزدىك ويىنشى» بولىپ وتىر. تانىمال فۋتبولشى ماراپاتتاۋ راسىمىندە ءوز مانسابىنداعى نەگىزگى ماقساتىن اتاپ ءوتتى.
«جىلدار بويى جوعارى دەڭگەيدە فۋتبول ويناۋ وڭاي ەمەس. دەسە دە ءالى دە جاسىل الاڭدا جۇرگىم كەلەدى. گول سوعىپ, جۇلدە جەڭىپ الۋدى جالعاستىرامىن. مەن وسى جولمەن ءجۇرۋدى توقتاتپايمىن», دەدى كريشتيانۋ رونالدۋ.
سونداي-اق ول 1000 گولدىق مەجەنى باعىندىرۋدى كوزدەپ جۇرگەنىن ايتىپ, مىندەتتى تۇردە سيمۆولدىق سان كورسەتكىشىن ەڭسەرەتىنىن ايتتى. بۇل جولدا ونى وتباسى, جانكۇيەرلەرى العا جەتەلەيتىنىن دە تىلگە تيەك ەتتى.
ايتا كەتەيىك, قازىر رونالدۋدىڭ اتىنا 956 گول جازىلعان.
گەننادي گولوۆكين مەن كريشتيانۋ رونالدۋ ساۋد ارابياسىندا كەزدەستى