استانادا قوناەۆ كوشەسىندەگى «ديپلومات» تۇرعىن ءۇي كەشەنىنىڭ جانىندا ورنالاسقان مەيرامحانا ورتەندى. وقيعا ورنىنان تۇسىرىلگەن ۆيدەو الەۋمەتتىك جەلىلەردە كەڭىنەن تارادى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
Astanovka98 Telegram-ارناسىندا استاناداعى «ديپلومات» تۇرعىن ءۇي كەشەنىنىڭ جانىندا ورنالاسقان مەيرامحانادان شىققان ءورتتىڭ ۆيدەوسى جاريالاندى.
الەۋمەتتىك جەلىلەردە تاراعان كادرلارعا قاراعاندا, ءىرى تۇرعىن ءۇي كەشەنىنىڭ ءبىرىنشى قاباتىندا ورنالاسقان مەيرامحانا ورتەنگەن. كۋاگەرلەردىڭ ايتۋىنشا, قالىڭ قارا ءتۇتىن بۇكىل تۇرعىن ءۇي كەشەنىنىڭ اينالاسىن باسىپ قالعان.
كەيىنىرەك وقيعاعا قاتىستى توتەنشە جاعدايلار مينيسترلىگىنىڭ ءباسپاسوز قىزمەتى پىكىر ءبىلدىردى.
«قازىرگى ۋاقىتتا تجم ءورت سوندىرۋشىلەرى استانا قالاسى دىنمۇحامەد قوناەۆ كوشەسىندە ورنالاسقان مەيرامحانانىڭ شاتىرىنداعى ءورتتى ءسوندىرىپ جاتىر. وقيعا ورنىندا قۇتقارۋشىلار كۇشەيتىلگەن شاقىرتۋ دەڭگەيى بويىنشا جۇمىس ىستەپ جاتىر. 112 نومىرىنە زارداپ شەككەندەر تۋرالى اقپارات تۇسكەن جوق», دەلىنگەن حابارلامادا.
كەيىنىرەك تجم قىزمەتكەرلەرى دىنمۇحامەد قوناەۆ كوشەسى بويىنداعى مەيرامحانالاردىڭ بىرىندە ءۇيدىڭ سىرتقى قاپتاماسى مەن جەلدەتكىش جۇيەسىنىڭ جىلىتقىشى ورتەنگەنىن ايتتى. زارداپ شەككەندەر جوق.