ميۋنحەن – بەيجىڭ باعىتىنداعى Lufthansa اۆياكومپانياسىنىڭ رەيسىندە جولاۋشى كوز جۇمدى. وسى وقيعاعا بايلانىستى اۋە كەمەسى الماتى حالىقارالىق اۋەجايىنا شۇعىل قونۋعا ءماجبۇر بولدى, دەپ حابارلايدى Egemen.kz.
قازاقستاننىڭ اۆياتسيالىق اكىمشىلىگىنىڭ ءباسپاسوز قىزمەتى حابارلاعانداي, وقيعا LH 0722 رەيسىندە بولعان. ۇشۋ كەزىندە جولاۋشىلاردىڭ ءبىرى ءوزىن ناشار سەزىنىپ, ەسىنەن تانىپ قالعان.
«اۋە كەمەسىنىڭ ەكيپاجى الماتى حالىقارالىق اۋەجايىنا شۇعىل قونۋ تۋرالى شەشىم قابىلدادى. ۇشاققا جەدەل تۇردە اۋەجايدىڭ مەديتسينالىق قىزمەتى مەن قالالىق جەدەل جاردەم بريگاداسى جىبەرىلدى», دەلىنگەن حابارلامادا.
الايدا مەديتسينا قىزمەتكەرلەرى كەلگەن بويدا جولاۋشىنىڭ ۇشۋ كەزىندە قايتىس بولعانىن انىقتادى. بارلىق قاجەتتى راسىمدەر اياقتالعان سوڭ, ۇشاققا الماتىدا جانارماي قۇيىلىپ, ساپارىن جالعاستىردى. جەرگىلىكتى ۋاقىت بويىنشا ساعات 07:56-دا بورت بەيجىڭگە ۇشىپ كەتتى.
جەلىدە تاراعان مالەمەتتەرگە سۇيەنسەك, 30 جاستاعى ەر ادام قايتىس بولعان.
گۋانچجوۋ – الماتى باعىتىنداعى رەيستە جولاۋشى قايتىس بولدى
كولىكتەگى پوليتسيا دەپارتامەنتىنىڭ ءباسپاسوز قىزمەتى اتالعان فاكتى بويىنشا تەرگەۋ امالدارى ءجۇرىپ جاتقانىن مالىمدەدى.
«الماتى اۋەجايىنداعى جەلىلىك پوليتسيا ءبولىمى قىلمىستىق ءىس قوزعادى. ءولىمنىڭ الدىن الا سەبەبى – جەدەل جۇرەك جەتكىلىكسىزدىگى. قايتىس بولعان ادام – شەتەل ازاماتى. قازىرگى ۋاقىتتا تەرگەۋ ءجۇرىپ جاتىر», دەلىنگەن حابارلامادا.