استانا. 23 ناۋرىز. قۇقىق قورعاۋ ورىندارىنىڭ قاتەلىگىنەن 39 جىل بويى ادام ءولتىردى دەگەن ايىپپەن تۇرمەدە وتىرعان وگايو شتاتىنىڭ (اقش) تۇرعىنى مەملەكەتتەن وتەماقى رەتىندە 1 ملن. اقش دوللارىن الاتىن بولدى. بۇل تۋرالى «حابار» تەلەارناسى حابارلادى.
قازىرگى تاڭدا 59 جاسقا كەلگەن ريككي دجەكسون مەن تاعى ەكى ەر ادام 1975 جىلى ادام ولىمىنە قاتىستى دەپ سوتتالعان. ول كەزدە دجەكسوننىڭ جاسى 19-دا ەدى. قىلمىستىق ىسكە قاتىستى تەك ءبىر عانا كۋاگەر بولعان. ول – 12-جاسار بالا. الايدا 40 جىل وتە كەلە, ول قىلمىس جاسالعان ۋاقىتتا مەكتەپ اۆتوبۋسىندا بولعانى انىقتالعان.
سونداي-اق, دجەكسونمەن بىرگە سوتتالعان ەكى كىسى دە بوستاندىققا شىقتى. ولار دا وتەماقى الادى دەپ كۇتىلۋدە.
جولدىباي بازار.
دەرەك: «حابار» تەلەارناسى.
سۋرەت: ntv.ru.