مەملەكەت باسشىسى جەڭىل رەلستى كولىك جەلىسىن ۇزارتۋ جانە قابانباي باتىر داڭعىلىندا ەكى دەڭگەيلى جول سالۋ ۇسىنىسىن قولدادى, دەپ حابارلايدى اقوردا.
«جەڭىل رەلستى كولىك جوباسى دا وتە ماڭىزدى. كوپ ۇزاماي ونى تولىق ىسكە قوسۋ كەرەك. مەن جەڭىل رەلستى كولىك جەلىسىن ۇزارتۋ تۋرالى ۇسىنىستى قولدايمىن.
بۇل قادام كولىك كەپتەلىسىن ازايتۋعا مۇمكىندىك بەرەتىنى ءسوزسىز.
ۇكىمەت, ەڭ الدىمەن, جوبانى قارجىلاندىرۋ ماسەلەسىن شەشۋگە ءتيىس.
سونداي-اق قابانباي باتىر داڭعىلىندا ەكى دەڭگەيلى جول سالۋ تۋرالى ۇسىنىسقا قولداۋ بىلدىرەمىن. جوبانىڭ قۇجاتتارىن كەلەسى جىلى ازىرلەپ, 2027 جىلى قۇرىلىستى باستاۋ قاجەت.
بۇعان قوسا, ۇكىمەت اكىمدىكپەن بىرلەسىپ, تاۋەلسىزدىك داڭعىلىن ۇزارتۋ جۇمىسىن جالعاستىرۋى كەرەك», دەدى قاسىم-جومارت توقاەۆ.