پەتروپاۆل قالاسىنىڭ «زارەچنىي» كەنتىنىڭ تۇرعىندارىنا جاڭا باسپانا بەرىلدى. شاعىن اۋداننىڭ حالقى جىل سايىن سۋ تاسقىنىنان زارداپ شەگىپ, تابيعاتقا تاۋەلدى بولىپ كەلگەن. ەندى سول ازاپتان قۇتىلاتىن بولدى, دەپ حابارلايدى Egemen.kz.
تاۋەلسىزدىك كۇنى شاعىن اۋداننىڭ 40 تۇرعىنىنا كوپقاباتتى ۇيدەن جاڭا پاتەرلەردىڭ كىلتى تابىس ەتىلدى. بۇل شارا شاعىن اۋداندى جاۋىپ, تۇرعىنداردى جاڭا قونىسقا كوشىرۋ تۋرالى قابىلدانعان شەشىمنىڭ ناتيجەسىندە جۇزەگە استى.
«جاڭادان سالىنىپ جاتقان تۇرعىن ءۇي كەشەنى 90 پاتەرگە ارنالعان, قالعان 50 پاتەر جاڭا جىل قارساڭىندا بەرىلەدى. «زارەچنىي» شاعىن اۋدانىندا بارلىعى 266 وتباسى تۇراتىن. قالعان تۇرعىندار ءۇشىن سالىنىپ جاتقان ۇيلەردىڭ قۇرىلىسى ماۋسىم ايىندا اياقتالادى», دەدى وبلىس اكىمىنىڭ ورىنباسارى ن.كەڭەسوۆ.
پەتروپاۆل