پرەزيدەنت تاپسىرمالارىن ورىنداۋ جانە ءجۇرىپ جاتقان سالىق رەفورماسى اياسىندا ۇكىمەت سالىقتىق اكىمشىلەندىرۋ جۇيەسىن قايتا جۇكتەۋدى باستايدى. بۇل تۋرالى پرەمەر-مينيستر ولجاس بەكتەنوۆ ۇكىمەت وتىرىسىندا مالىمدەدى, دەپ جازادى Egemen.kz.
ۇكىمەت باسشىسىنىڭ ايتۋىنشا, سالىقتىق اكىمشىلەندىرۋ «تازا پاراقتان» جۇرگىزىلەدى. ياعني, ەسكى, كۇردەلى جانە تۇسىنىكسىز تالاپتار قايتا قارالىپ, جۇيە كاسىپكەرلەرگە بارىنشا جەڭىل ءارى اشىق بولۋعا ءتيىس.
«بۇل شارالار بارلىق ميكرو جانە شاعىن بيزنەس سۋبەكتىلەرىنە وڭ اسەرىن تيگىزەدى. نورماتيۆتىك قۇقىقتىق اكتىلەردى قابىلداپ, اقپاراتتىق جۇيەلەردىڭ دايىندىعىن قامتاماسىز ەتە وتىرىپ, بارلىق ۇيىمداستىرۋ جۇمىستارىن جەدەل جۇرگىزۋ قاجەت», دەدى پرەمەر-مينيستر.
باستى ماقسات – كاسىپكەرلەرگە ارتىق سالماق سالماي, سالىق تولەۋ ۇدەرىسىن قاراپايىم, تۇسىنىكتى جانە ءادىل ەتۋ.