ەلىمىزدە ءوندىرىس اشىپ, قۇرال-جابدىق اكەلەتىن كاسىپكەرلەر ءۇشىن ماڭىزدى وزگەرىس ازىرلەنىپ جاتىر. جاڭا سالىق كودەكسى اياسىندا يمپورتقا قوسىلعان قۇن سالىعىن ءبىر جىلعا دەيىن كەيىن تولەۋگە مۇمكىندىك بەرىلمەك. بۇل شاعىن جانە ميكرو بيزنەستىڭ تىنىسىن اشۋعا باعىتتالعان, دەپ جازادى Egemen.kz.
ۇكىمەت وتىرىسىندا قارجى ءمينيسترى ءمادي تاكيەۆ بيزنەسكە قولداۋ شارالارىن تانىستىردى. ءمينيستردىڭ ايتۋىنشا, جاڭا سالىق كودەكسىندە بەرەشەكتى كەپىلسىز جانە بانك كەپىلدىگىنسىز كەيىنگە قالدىرۋ تەتىگى ەنگىزىلەدى.
سوعان ساي, 1,5 مىڭ اەك-كە دەيىنگى (شامامەن 6,5 ملن تەڭگە) سالىق بەرەشەگى بار كاسىپكەرلەر قارىزىن ءبىر جىلعا دەيىن ءبولىپ تولەۋ نە كەيىنگە قالدىرۋ مۇمكىندىگىنە يە بولادى. ول ءۇشىن م ۇلىكتى كەپىلگە قويۋ نەمەسە بانك كەپىلدىگىن الۋ تالاپ ەتىلمەيدى.
مينيستر بۇل قادام بيۋروكراتيالىق كەدەرگىلەردى ازايتاتىنىن ايتتى. كەپىلدى باعالاۋ مەن ساقتاندىرۋ قاجەت بولمايدى, قۇجات راسىمدەۋ ۋاقىتى دا قىسقارادى. ءبىر دەڭگەيلى مونيتورينگكە كىرەتىن كاسىپكەرلەرگە بەرەشەكتى 12 ايعا دەيىن كەپىلسىز وتەۋ جولى اشىلادى.
جاڭا سالىق رەجيمى بيزنەسكە قانداي مۇمكىندىكتەر سىيلايدى؟
ەڭ وزەكتى جاڭالىقتاردىڭ ءبىرى – ءوندىرىس سالاسىنا قاتىستى. ءونىم شىعارۋعا ارنالعان تاۋارلاردى شەتەلدەن اكەلەتىن كاسىپكەرلەر ءۇشىن يمپورت كەزىندەگى ققس تولەمىن ءبىر جىلعا دەيىن كەيىنگە قالدىرۋ مۇمكىندىگى قاراستىرىلعان. بۇل, اسىرەسە, جاڭا تسەح اشىپ جاتقان, قۇرال-جابدىق ساتىپ الاتىن كاسىپكەرلەردىڭ اينالىم قارجىسىن ساقتاۋعا كومەكتەسەدى.
ققس ءوسىمى قۇرىلىس سالاسىن شىعىنعا ۇشىراتا ما؟
ساراپشىلاردىڭ پىكىرىنشە, بۇل شەشىم شاعىن ءوندىرىستىڭ دامۋىن جەدەلدەتىپ, كاسىپكەرلەرگە باستاپقى كەزەڭدەگى قارجىلىق قىسىمدى ازايتادى.