استانا. 23 ناۋرىز. شۆەيتساريانىڭ 106 جاستاعى سۋرەتشىسى گانس ەرني قايتىس بولدى. بۇل تۋرالى «گازەتا.Ru» حابارلادى.
«شۆەيتساريا سۋرەتشىسى گانس ەرني 106 جاسقا كەلگەندە, ومىردەن ءوتتى», دەپ جازدى The Guardian.
قىلقالام شەبەرىنىڭ ءوزى دە سۋرەتشى بولىپ تابىلاتىن قىزى سيمونا فورنار ەرنيدىڭ ايتۋىنا قاراعاندا, ول 21 ناۋرىز كۇنى ەشبىر قينالماستان, باقيلىققا اتتانىپ كەتە بارعان.
ەرني وسى جاسىنا جەتكەنگە دەيىن قاتاڭ ءتارتىپ ۇستاپ, جۇمىس جاساعان. ول – جۇزدەگەن كارتينالاردىڭ, مۇسىندەردىڭ, ليتوگرافيالاردىڭ, كەراميكالىق بۇيىمداردىڭ اۆتورى. 1940-1950 جىلدارى سۋرەتشى شۆەيتساريا مەن كسرو اراسىندا دوستىق قارىم-قاتىناس كەرەكتىگىن قايتا-قايتا العا تارتقان. سول ءۇشىن ءوزى بيلىك تاراپىنان ءبىراز تەپەرىش كورىپ, شىعارماشىلىعىنا قىسىم جاسالعان.
مۇرات ايتقوجا.
مانبە, سۋرەت: گازەتا.Ru.