قازاقستاندا 2026 جىلدىڭ 1 قاڭتارىنان باستاپ ArtSport پلاتفورماسى جۇمىسىن توقتاتادى. الايدا اتا-انالارعا الاڭداۋعا نەگىز جوق: مەملەكەتتىك باعدارلاما جويىلمايدى, تەك ونىڭ ەسەپكە الۋ جۇيەسى وزگەرەدى, دەپ حابارلايدى Egemen.kz.
تۋريزم جانە سپورت مينيسترلىگى ArtSport پلاتفورماسىنىڭ جابىلۋىنا قاتىستى رەسمي تۇسىنىكتەمە بەردى. ۆەدومستۆونىڭ مالىمەتىنشە, اتالعان سەرۆيس تەك ۆاۋچەرلەردى تىركەيتىن تەحنيكالىق قۇرال بولعان جانە ونىڭ وپەراتورمەن كەلىسىمشارت مەرزىمى اياقتالدى.
بالالاردىڭ سپورتتىق جانە شىعارماشىلىق سەكتسيالارىن تەگىن قامتۋدى كوزدەيتىن مەملەكەتتىك تاپسىرىس بۇرىنعىشا جالعاسا بەرەدى. قازىرگى ۋاقىتتا اكىمدىكتەر ۇيىرمەلەردى ەسەپكە الاتىن جاڭا, بالامالى تسيفرلىق جۇيەلەرگە كوشۋدى جوسپارلاپ وتىر.
جاڭا پلاتفورمانىڭ قالاي جۇمىس ىستەيتىنى تۋرالى تولىق اقپارات الداعى ۋاقىتتا قوسىمشا جاريالانادى. ايتا كەتەيىك, بالالاردى جان باسىنا شاققانداعى قارجىلاندىرۋ باعدارلاماسى ەلىمىزدە 2021 جىلدان بەرى ءساتتى جۇزەگە اسىرىلىپ كەلەدى.