قازاقستان پرەزيدەنتىنىڭ تاپسىرماسىمەن زاڭسىز يەمدەنىلگەن اكتيۆتەردى مەملەكەتكە قايتارۋ اياسىندا قۇرىلعان ارناۋلى مەملەكەتتىك قوردان قاراعاندى وبلىسىنىڭ دەنساۋلىق ساقتاۋ سالاسىن دامىتۋعا 7,5 ملرد تەڭگە ءبولىندى. بۇل قارجى حالىقتى ساپالى مەديتسينالىق كومەكپەن قامتاماسىز ەتۋگە باعىتتالعان, دەپ حابارلايدى Egemen.kz.
«اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى شەڭبەرىندە ۇكىمەت وڭىرلەرگە الەۋمەتتىك ماڭىزدى ينفراقۇرىلىمدى دامىتۋعا ەرەكشە كوڭىل ءبولىپ وتىر.
قاراعاندىداعى جاڭا ونكولوگيالىق ورتالىقوبلىس ورتالىعىنداعى ونكولوگيالىق ورتالىقتىڭ جۇمىسى جاڭا بەلەسكە شىقپاق. ونىڭ وپەراتسيالىق-رەانيماتسيالىق بلوگىن ەڭ سوڭعى ۇلگىدەگى قۇرال-جابدىقتارمەن قامتاماسىز ەتۋ ءۇشىن 6,2 ملرد تەڭگە ءبولىندى. سونىمەن قاتار, وبلىستىق بيۋدجەتتەن 1,74 ملرد تەڭگە قوسىمشا قارجى قاراستىرىلعان. قازىرگى ۋاقىتتا عيماراتتىڭ ىشكى ارلەۋى ءجۇرىپ جاتىر, ال نىساننىڭ جالپى دايىندىعى 70%-دى قۇرايدى.
بالقاشتاعى زاماناۋي مەديتسينالىق حاببالقاش قالاسىنداعى كوپبەيىندى اۋرۋحانانىڭ بازاسىندا ناعىز وڭىرلىك مەديتسينالىق حاب بوي كوتەرىپ كەلەدى. بۇل ماقساتقا 1 ملرد تەڭگەدەن استام قاراجات جۇمسالدى (جالپى قۇنى – 1,27 ملرد تەڭگە). قازىرگى ۋاقىتتا انگيوگرافيالىق وپەراتسيالىق جانە دياگنوستيكالىق بولىمشەلەر ورنالاساتىن جاڭا كورپۋستىڭ قۇرىلىسى 96%-عا اياقتالعان. قاڭقانى تۇرعىزۋ, ينجەنەرلىك جەلىلەر مەن ىشكى ارلەۋ جۇمىستارى ءبىتتى. نىسان وسى جىلدىڭ سوڭىنا دەيىن ەل يگىلىگىنە بەرىلەدى دەپ كۇتىلۋدە. بۇل بالقاش تۇرعىندارىنا ينفاركت پەن ينسۋلت كەزىندە «التىن ساعاتتا» جوعارى تەحنولوگيالىق كومەك الۋعا مۇمكىندىك بەرەدى.
بالالارعا ارنالعان جاڭا وڭالتۋ ورتالىعىبالقاش قالاسىندا بۇرىنعى ساناتوري عيماراتىن قايتا جاڭعىرتۋ ارقىلى بالالاردى وڭالتۋ ورتالىعى قۇرىلىپ جاتىر. بۇل يگى ىسكە 272,1 ملن تەڭگە باعىتتالدى. مۇندا ستاتسيونارلىق جانە امبۋلاتوريالىق قىزمەتتەر ۇيىمداستىرىلادى. ورتالىقتا رەابيليتولوگتار, نەۆروپاتولوگتار, لوگوپەدتەر مەن ەدش نۇسقاۋشىلارىنان تۇراتىن بىلىكتى ماماندار توبى جۇمىس ىستەيتىن بولادى. بۇل ەرەكشە قاجەتتىلىكتەرى بار بالالاردىڭ وبلىس ورتالىعىنا سابىلماي-اق, ءوز قالاسىندا ەم الۋىنا جاعداي جاسايدى. جۇمىستاردى اياقتاۋ 2026 جىلدىڭ اقپانىنا جوسپارلانعان.