مەملەكەت باسشىسىنىڭ تاپسىرماسى اياسىندا يسلام دامۋ بانكىنەن بولىنەتىن نەسيەنىڭ ەسەبىنەن 2026 جىلى ەلىمىزدىڭ بىرنەشە وڭىرىندە سۋ نىساندارىنىڭ قۇرىلىسى باستالادى. بۇل تۋرالى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ۇكىمەتتىڭ ءبىر جىلدىق جۇمىسىن قورىتىندىلاۋعا ارنالعان ءباسپاسوز ءماسليحاتىندا مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, 2026 جىلى جامبىل, باتىس قازاقستان جانە قىزىلوردا وبلىستارىندا ءۇش جاڭا سۋ قويماسىنىڭ قۇرىلىسى باستالادى.
سونىمەن قاتار جامبىل جانە تۇركىستان وبلىستارىندا قولدانىستاعى ەكى سۋ قويماسىن رەكونسترۋكتسيالاۋ جۇمىستارى جوسپارلانعان. بۇل شارالار ەلىمىزدىڭ سۋ قاۋىپسىزدىگىن قامتاماسىز ەتۋ جانە يرريگاتسيا جۇيەلەرىن جاقسارتۋ ماقساتىندا جۇزەگە اسىرىلماق.
بۇدان بولەك, نۇرجان نۇرجىگىتوۆ وڭتۇستىك وڭىرلەردەگى ينفراقۇرىلىمدى جاڭعىرتۋ جوسپارىن ءبولىستى. اتاپ ايتقاندا, بەس وبلىستا جالپى ۇزىندىعى 986 شاقىرىمدى قۇرايتىن 103 كانالعا ارنالعان 96 جوبانى رەكونسترۋكتسيالاۋ جانە اۆتوماتتاندىرۋ جۇمىستارى باستالادى.