جىل باسىنان بەرى كوپبالالى وتباسىلارعا جانە ناگرادتالعان انالارعا بەرىلەتىن جاردەماقىلارمەن ورتا ەسەپپەن 847,9 مىڭ وتباسى قامتىلىپ, جالپى سوماسى 555,8 ملرد تەڭگە تولەندى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2025 جىلى 1 قاڭتاردان باستاپ قازاقستاندا كوپبالالى وتباسىلارعا ارنالعان مەملەكەتتىك جاردەماقىلاردىڭ مولشەرى 6,5%-عا ارتتى.
كوپبالالى وتباسىلارعا بەرىلەتىن جاردەماقى ء(تورت جانە ودان دا كوپ بالاسى بار) وتباسىنىڭ تابىسىنا قاراماستان تاعايىندالادى. تولەم مولشەرى بالا سانىنا بايلانىستى سارالانعان جانە 2025 جىلى كەلەسىدەي:
4 بالاعا – 63 030 تەڭگە (16,03 اەك); 5 بالاعا – 78 798 تەڭگە (20,04 اەك); 6 بالاعا – 94 565 تەڭگە (24,05 اەك); 7 بالاعا – 110 332 تەڭگە (28,06 اەك); 8 جانە ودان دا كوپ بالاسى بارلارعا – 15 728 تەڭگەدەن (4 اەك) ءار بالاعا قوسىلادى.ايتا كەتەرلىگى, بۇل كومەكتى وتباسىنىڭ تابىس دەڭگەيىنە قاراماستان, 18 جاسقا تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار بارلىق كوپبالالى اتا-انالار الا الادى.
مەملەكەت «التىن القا», «كۇمىس القا» القالارىمەن نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا بەرىلەتىن جاردەماقى اي سايىن كەلەسى مولشەردە تولەنەدى:
«كۇمىس القا» يەگەرلەرىنە – 25 165 تەڭگە; «التىن القا» جانە وزگە دە جوعارى ماراپات يەلەرىنە – 29 097 تەڭگە.