2014 جىلعى 15 جەلتوقسان, استانا قالاسى
كەدەندىك باقىلاۋ ماقساتتارى ءۇشىن قازاقستان رەسپۋبليكاسى مەملەكەتتىك كىرىستەر ورگاندارىنىڭ سۋ جانە اۋە كەمەلەرىن پايدالانۋ قاعيداسىن بەكىتۋ تۋرالى
«قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 196-بابىنىڭ 3-تارماعىنا سايكەس, سونداي-اق قازاقستان رەسپۋبليكاسى قارجى ءمينيسترىنىڭ 2014 جىلعى 26 قىركۇيەكتەگى № 417 بۇيرىعىمەن بەكىتىلگەن, قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى ەرەجەسىنىڭ 16-تارماعىنىڭ 28) تارماقشاسىنا سايكەس, بۇيىرامىن:
1. قوسا بەرىلىپ وتىرعان كەدەندىك باقىلاۋ ماقساتتارى ءۇشىن قازاقستان رەسپۋبليكاسى كەدەن ورگاندارىنىڭ سۋ جانە اۋە كەمەلەرىن پايدالانۋ قاعيداسى بەكىتىلسىن.
2. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ كەدەندىك باقىلاۋ دەپارتامەنتى زاڭنامامەن بەلگىلەنگەن تارتىپتە:
2. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ كەدەندىك باقىلاۋ دەپارتامەنتى زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەلەنگەننەن كەيىن كۇنتىزبەلىك ون كۇن ىشىندە ونى رەسمي جاريالاۋعا مەرزىمدىك باسپا باسىلىمدارىنا جانە «ادىلەت» اقپاراتتىق قۇقىقتىق جۇيەسىنە جولداۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرستارىندا جاريالانۋىن قامتاماسىز ەتسىن.
3. وسى بۇيرىق مەملەكەتتىك تىركەلەنگەننەن كەيىن كۇنتىزبەلىك ون كۇن وتكەن سوڭ قولدانىسقا ەنەدى.
قازاقستان رەسپۋبليكاسى قارجى مينيسترلىگىنىڭ
مەملەكەتتىك كىرىستەر كوميتەتىنىڭ توراعاسى د.ەرعوجين.
قازاقستان رەسپۋبليكاسىنىڭ قارجى مينيسترلىگى مەملەكەتتىك كىرىستەر كوميتەتى توراعاسىنىڭ
2014 جىلعى 15 جەلتوقسانداعى №91 بۇيرىعىمەن بەكىتىلگەن
كەدەندىك باقىلاۋ ماقساتتارى ءۇشىن قازاقستان رەسپۋبليكاسى كەدەن
ورگاندارىنىڭ سۋ جانە اۋە كەمەلەرىن پايدالانۋ قاعيداسى
1. جالپى ەرەجەلەر
1. وسى قاعيدا «قازاقستان رەسپۋبليكاسىنداعى كەدەن ءىسى تۋرالى» 2010 جىلعى 30 ماۋسىمداعى قازاقستان رەسپۋبليكاسى كودەكسىنىڭ 196-بابىنىڭ 3-تارماعىنا سايكەس ازىرلەندى جانە كەدەندىك باقىلاۋ ماقساتتارى ءۇشىن كەدەن ورگاندارىنىڭ سۋ جانە اۋە كەمەلەرىن پايدالانۋدىڭ ءتارتىبىن بەلگىلەيدى.
2. قازاقستان رەسپۋبليكاسىنىڭ اۋماقتىق سۋلارى (تەڭىزى) جانە ىشكى سۋلارى شەگىندە, سونداي-اق كەدەن وداعىنىڭ كەدەندىك شەكاراسىنا ىرگەلەس اۋماقتا تاۋارلار مەن كولىك قۇرالدارىن كەدەندىك باقىلاۋ كەدەن ورگاندارىنىڭ سۋ جانە اۋە كەمەلەرىن پايدالانۋمەن جۇزەگە اسىرىلادى.
2. كەدەن ورگاندارىنىڭ سۋ جانە اۋە كەمەلەرىن كەدەندىك
باقىلاۋ ماقساتتارىندا پايدالانۋ ءتارتىبى
3. سۋ جانە اۋە كەمەلەرىن قازاقستان رەسپۋبليكاسىنىڭ كەدەن ورگاندارى:
1) قازاقستان رەسپۋبليكاسىنىڭ كەدەندىك اۋماعىنىڭ مەجەلى اۋدانىندا باقىلاۋداعى تاۋارلاردىڭ تاسىمالدانۋىن, ولارمەن جۇك جانە وزگە وپەراتسيالاردىڭ جاسالۋىن قاداعالاۋ;
2) زاڭناماعا سايكەس كەدەن ءىسى سالاسىنداعى قۇقىق بۇزۋشىلىقتاردىڭ الدىن الۋ, جولىن كەسۋ جانە انىقتاۋ, سونداي-اق كونترابانداعا جانە وزگە قىلمىستارعا قارسى كۇرەس بويىنشا ءىس-شارالارعا قاتىسۋ;
3) كولىك قۇرالىندا كەدەندىك باقىلاۋعا جاتاتىن تاۋارلار زاڭسىز وتكىزىلەدى دەپ ساناۋعا جەتكىلىكتى نەگىزدەمە بار بولسا, ونى توقتاتۋ;
4) تەكسەرىپ قاراۋ توپتارىن باعىتتاۋدى جانە ولاردى اۋەدەن, كەدەندىك باقىلاۋعا جانە كەدەندىك دەكلاراتسيالاۋعا جاتاتىن تاۋارلار بار كولىك قۇرالدارىنا ءتۇسىرۋدى جۇزەگە اسىرۋ;
5) تەكسەرىپ قاراۋ توپتارىن, قازاقستان رەسپۋبليكاسى كەدەن ورگاندارىنىڭ لاۋازىمدى ادامدارىن كەدەندىك باقىلاۋ جانە كەدەندىك دەكلاراتسيالاۋ ورىندارىنا جەتكىزۋ ء(تۇسىرۋ);
6) قازاقستان رەسپۋبليكاسى كەدەن ورگاندارىنىڭ, كەدەن وداعىنا مۇشە مەملەكەتتەر كەدەن ورگاندارىنىڭ جانە حالىقارالىق كەدەن ۇيىمدارىن كەدەن وداعىنىڭ كەدەندىك اۋماعى ارقىلى تاۋارلاردى زاڭسىز وتكىزۋگە قارسى كۇرەس جونىندەگى بىرلەسكەن ءىس-شارالارىنا قاتىسۋ;
7) قازاقستان رەسپۋبليكاسىنىڭ زاڭناماسىندا كەدەن ورگاندارىنا جۇكتەلگەن كەدەندىك باقىلاۋدى جۇزەگە اسىرۋ جونىندەگى وزگە فۋنكتسيالاردى ورىنداۋ ءۇشىن پايدالانادى.
4. كەدەندىك باقىلاۋ ماقساتى ءۇشىن كەدەن ورگاندارىنىڭ سۋ جانە اۋە كەمەلەرىن پايدالانۋى كەزىندە كەدەن ورگاندارى قىزمەتكەرلەرىنەن جانە ءتيىستى بىلىكتىلىگى بار مامانداردان تۇراتىن سۋ جانە اۋە كەمەلەرى ەكيپاجدارى قۇرىلادى.
5. كەدەندىك باقىلاۋ ماقساتتارى ءۇشىن كەدەن ورگاندارىنىڭ سۋ جانە اۋە كەمەلەرىن پايدالانۋ مىناداي تارتىپپەن جۇزەگە اسىرىلادى:
1) كەدەن ورگانى باسشىنىڭ نە ونى الماستىراتىن ادامنىڭ سۋ نەمەسە اۋە كەمەلەرىن پايدالانۋ تۋرالى شەشىم قابىلداۋى;
2) قوزعالىس باعىتىن جانە ەكيپاجدىڭ قۇرامىن ايقىنداۋ;
3) سۋ جانە اۋە كەمەلەرىن دايىنداۋ;
4) ەكيپاجدىڭ الدىنا قويىلعان كەدەندىك باقىلاۋ مىندەتتەرىن ورىنداۋ.
6. قازاقستان رەسپۋبليكاسىنىڭ كەدەن ورگاندارى سۋ جانە اۋە كەمەلەرىن پايدالانا وتىرىپ كەدەندىك باقىلاۋدى جۇزەگە اسىرۋ كەزىندە سۋ جانە اۋە كەمەلەرىن پايدالانۋ جونىندەگى قازاقستان رەسپۋبليكاسىنىڭ قولدانىستاعى نورماتيۆتىك قۇقىقتىق اكتىلەرىن باسشىلىققا الادى.
7. كەدەن ورگاندارىنىڭ سۋ كەمەلەرى اتالعان قۇرىلىستار يەلەرىنىڭ كەلىسىمى بويىنشا بەلگىلەنگەن تارتىپپەن پيرستەردە, ايلاقتاردا ورنالاستىرىلادى.
8. كەدەن ورگاندارىنىڭ اۋە كەمەلەرى بەلگىلەنگەن تارتىپپەن مەملەكەتتىك, ازاماتتىق جانە ەكسپەريمەنتتىك اۆياتسيانىڭ اۋەايلاقتارىنا (تىكۇشاق ايلاقتارىنا) قاراماعىندا اتالعان وبەكتىلەر بار ۋاكىلەتتى ورگاندارمەن كەلىسىم بويىنشا ورنالاستىرىلادى.
9. سۋ جانە اۋە كەمەلەرىنە قىزمەت كورسەتۋ مەن كۇزەتۋدى كەدەن ورگاندارىنىڭ پەرسونالىمەن قاتار, مەنشىك نىسانىنا قاراماستان, اتالعان قىزمەتتەردى شارتتار نەگىزىندە كورسەتەتىن ءتيىستى ۇيىمداردىڭ كۇشتەرى جانە قۇرالدارى جۇرگىزەدى.
10. كەدەن ورگاندارىنىڭ اۋە كەمەلەرى ازاماتتىق اۆياتسيانىڭ اۋەايلاقتارى مەن اۋەجايلارىندا جانە كولىك سالاسىندا مەملەكەتتىك ساياساتىن ىسكە اسىرۋىن جۇزەگە اسىراتىن ۋاكىلەتتى مەملەكەتتىك ورگاننىڭ قاراماعىنداعى بىرلەسىپ ورنالاستىرۋ اۋەايلاقتارىندا ورنالاستىرىلعان جانە ولارعا قىزمەت كورسەتىلگەن كەزدە اۆياتسيالىق قاۋىپسىزدىكتى قامتاماسىز ەتۋ جونىندەگى بارلىق شارالار كەشەنى ازاماتتىق اۆياتسيا سالاسىنداعى نورماتيۆتىك قۇقىقتىق اكتىلەرگە سايكەس جۇزەگە اسىرىلادى.
11. ۇشۋدى ۇشۋدىڭ ءتيىستى جاعدايلارىندا وسى ۇلگىدەگى اۋە كەمەسىندە ۇشۋعا دايىندالعان جانە رۇقسات ەتىلگەن, جاراقتالعان ەكيپاجدار اقاۋى جوق اۋە كەمەلەرىندە ورىندايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 قاڭتارداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10094 بولىپ ەنگىزىلدى.