پرەزيدەنت قاسىم-جومارت توقاەۆ سيدنەيدەگى حانۋكا مەيرامى كەزىندە ورىن العان قايعىلى وقيعاعا بايلانىستى اۋستراليا پرەمەر-ءمينيسترى ەنتوني البانيزگە كوڭىل ايتۋ جەدەلحاتىن جولدادى, دەپ جازادى Egemen.kz.
مەملەكەت باسشىسى قازا تاپقان جانداردىڭ وتباسىلارى مەن جاقىندارىنا كوڭىل ايتىپ, زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەستىگىن ءبىلدىردى.
قاسىم-جومارت توقاەۆ جانتۇرشىگەرلىك قىلمىستى قاتاڭ ايىپتاپ, ەلىمىزدىڭ اتىنان وسى قيىن ساتتە اۋستراليا حالقىنا سابىر تىلەيتىنىن جەتكىزدى.
ايتا كەتەيىك, 14 جەلتوقسان 2025 جىلى سيدنەي قالاسىندا بوندي-بيچ جاعاجايىندا ەۆرەي حالقىنىڭ ءدىني مەرەكەسى حانۋكانى اتاپ ءوتۋ كەزىندە قارۋلى شابۋىل بولدى. شابۋىل سالدارىنان 12 ادام قازا تاۋىپ, تاعى 27-29 ادام جاراقات الدى, ولاردىڭ اراسىندا ەكى پوليتسيا قىزمەتكەرى مەن ءبىر بالا بار. وقيعا تەرروريستىك اكت رەتىندە باعالاندى.