ايبولات

دزيۋدودان الەم چەمپيونى اتاندى اتىراۋ پالۋاندارىنىڭ اراسىندا ىستىباەۆتاردىڭ ابىرويى اسپانداپ تۇر. جاقىندا ايبولات ىستىباي بوسنيا جانە گەرتسەگوۆينا استاناسى – ساراەۆودان التىن جۇلدەمەن ورالدى. ءبىر وتباسىندا تاربيەلەنگەن نۇربولات پەن قانات تا, اعالا­رىنىڭ ىزىمەن سپورتقا اڭسارى اۋعان ايبولات تا سامبو, دزيۋ­دو جانە قازاق كۇرەسىمەن اينا­لىسادى. اعايىندى بالۋان­داردىڭ جەتىستىكتەرى دە از ەمەس. ول وسىندا وتكەن كادەت­تەر اراسىنداعى دزيۋدود­ان الەم بىرىنشىلىگىندە قارسىلاس­تا­رىنىڭ ءبارىن ايقىن باسىم­دىقپەن جەڭىپ, الەم چەمپيو­نى اتاندى. ايبولات الەمنىڭ ءار تۇكپى­رىنەن جينالعان 500 سپورت­شىنىڭ اراسىنان وق بويى وزىپ, قازاق ەلىنىڭ كوكبايراعىن بيىكتە جەلبىرەتىپ, ءانۇراندى شىرقاتۋ ءۇشىن نا­مىسقا تىرىستى. ماقساتى –ەلدىڭ ابىرويىن اسپانداتۋ. سول ماقساتىنا جەتۋ ءۇشىن بارىن سالدى. جاتتىقتىرۋشىسى مەرجان ەسما­­عامبەتوۆتىڭ ءتالىمىن وي ەلە­­گىنەن وتكىزدى. قازاقتىڭ نامىس­تى, قايسار بالۋانى 50 كيلو سالماقتا الدىمەن اقش, رەسەي, كيپر, گرۋزيا بالۋاندارىن يپپون ۇپايىمەن جەڭدى. التىن مەدالعا قول جەتكى­زەتىن اقتىق سىندا يتاليالىق بالۋانمەن سىنعا ءتۇستى. شارشى الاڭدا جان بەرىسىپ, جان الىسقان سىندا قازاق بالۋانى قارسىلاسىنىڭ وسال تۇسىن تاۋىپ, ايقىن باسىمدىعىن تانىتتى. وسىلايشا, الەم چەمپيونى اتانعان 17 جاسار ايبولات ىستىبايدىڭ بۇل جەڭىسى ساراەۆو تورىندە كوكبايراعىمىزدى كوك­كە كوتەرىپ, ءانۇرانىمىزدى شىر­قاتتى. جولداسبەك شوپەعۇل, «ەگەمەن قازاقستان». اتىراۋ.