پاۆلودار سوتى ەركىن كۇرەستەن وليمپيادا ويىندارىنىڭ قولا جۇلدەگەرى داۋلەت شابانبايعا قاتىستى ءىس بويىنشا پروتسەستى اياقتادى. وعان ۇلتتىق ۇلان قىزمەتكەرلەرىنە كۇش قولداندى دەگەن ايىپ تاعىلعان, دەپ حابارلايدى Egemen.kz.
ءىس ماتەريالدارىندا ايىپتالۋشىنىڭ بيىل قىركۇيەك ايىندا ۇلتتىق ۇلاننىڭ ءۇش اسكەري قىزمەتكەرىنە كۇش قولدانعانى ايتىلادى. كەشكى ساعات 21.00 شاماسىندا ءدامحانا ماڭىندا توقتاتقان پاترۋلدەردىڭ سۇراقتارىنا بالاعات سوزبەن جاۋاپ بەرىپ, كۇش كورسەتكەن.
اتاپ ايتقاندا بىرەۋىن كەۋدەسىنەن يتەرسە, نارياد باستىعىن يىعىنان قاعىپ جىبەرگەن. ال ءۇشىنشىسىنىڭ كوزىنەن ۇرعان.
پاۆلودار قالاسىنداعى قىلمىستىق ىستەر جونىندەگى اۋدانارالىق سوتى ايىپتالۋشىنى كىنالى دەپ تانىپ, ءۇش جىلعا باس بوستاندىعىنان ايىردى. داۋلەت شابانباي جازاسىن ورتا قاۋىپسىزدىككە يە مەكەمەدە وتەيتىن بولادى.
ايتا كەتەيىك, 42 جاستاعى ەركىن كۇرەس بالۋانى داۋلەت شابانباي سپورتتىق مانسابىن بەس جىل بۇرىن قازاقستان چەمپيوناتىندا اياقتاعان. سول جارىستا ول ەكىنشى ورىن يەلەنگەن.
ماڭىزدى جەتىستىكتەرىنىڭ ءبىرى – 2012 جىلى لوندوندا وتكەن جازعى وليمپيادا ويىندارىنداعى قولا مەدال. الايدا سپورتشى بۇل لايىقتى ماراپاتتى تەك 2022 جىلى بەلگرادتا الدى. بۇعان وليمپيادا جۇلدەگەرلەرىنىڭ ەكەۋى تىيىم سالىنعان پرەپاراتتاردى قولدانعانى ءۇشىن جارىستان شەتتەتىلۋى سەبەپ بولدى. سول كەزدە 120 كەلىگە دەيىنگى سالماق دارەجەسىندە ءتۋرنيردى بەسىنشى ورىنمەن اياقتاعان قازاقستان سپورتشىسى ءۇشىنشى ورىنعا كوتەرىلدى.
داۋلەت شابانباي ازيا چەمپيوناتتارىنىڭ ءتورت دۇركىن قولا جانە كۇمىس جۇلدەگەرى (2008, 2009, 2011, 2014, 2016 جىلدار). سونداي-اق 2014 جىلى ازيا ويىندارىنىڭ كۇمىس مەدالىن جەڭىپ الدى.