«قازگيدرومەت» رمك 15 جەلتوقسانعا ارنالعان قازاقستان اۋماعى بويىنشا اۋا رايىنىڭ جالپى بولجامىن جاريالادى, دەپ حابارلايدى Egemen.kz.
«دۇيسەنبىدە ەلىمىزدىڭ باسىم بولىگىندە اۋا رايىنىڭ تۇراقسىز سيپاتى ساقتالادى, قار ارالاس جاۋىن-شاشىن بولادى», دەلىنگەن «قازگيدرومەت» بولجامىندا.
سولتۇستىكتە, تۇندە جانە تاڭەرتەڭ ەلىمىزدىڭ ورتالىعىندا قالىڭ قار جاۋادى دەپ كۇتىلەدى. وڭتۇستىك-شىعىستا, تۇندە وڭتۇستىكتە, كۇندىز رەسپۋبليكامىزدىڭ شىعىسىندا جاڭبىر مەن قار ارالاس قاتتى جاۋىن-شاشىن بولادى.
قازاقستان بويىنشا تۇمان, كوكتايعاق بولادى جانە بوران سوعىپ, جەل ەكپىن الادى دەپ بولجانادى. اقمولا, سولتۇستىك قازاقستان, پاۆلودار, قاراعاندى وبلىستارىنىڭ باتىسىندا, سولتۇستىگىندە, شىعىسىندا جانە ۇلىتاۋ وبلىسىندا, قوستاناي وبلىسىنىڭ باتىسىندا, سولتۇستىگىندە, وڭتۇستىگىندە سەكۋندىنا 30 مەترگە دەيىن جانە ودان جوعارى جىلدامدىقپەن قاتتى جەل سوعادى دەپ كۇتىلەدى.