باتىس قازاقستان وبلىسىندا جۇرگىزىلگەن جەدەل-ىزدەستىرۋ شارالارى بارىسىندا كريمينالدىق پوليتسيا قىزمەتكەرلەرى ورال قالاسىنان مەملەكەتارالىق ىزدەۋدە بولعان 28 جاستاعى اقتاۋ قالاسىنىڭ تۇرعىنىن قولعا ءتۇسىردى, دەپ حابارلايدى Egemen.kz.
تەرگەۋ بارىسىندا انىقتالعانداي, ول 2025 جىلدىڭ قاڭتار-ءساۋىر ايلارى ارالىعىندا 10% تابىس بولادى دەپ اقتاۋ تۇرعىنىن الداپ, سەنىمىنە كىرىپ, 58 ميلليون تەڭگەدەن استام قارجىسىن يەمدەندى دەگەن كۇدىككە ىلىنگەن.
كۇدىكتى ۋاقىتشا ۇستاۋ يزولياتورىنا قامالدى, ال ونىڭ ۇستالعانى جونىندە باستاماشى ورگان – ماڭعىستاۋ وبلىستىق پوليتسيا دەپارتامەنتىنە حابارلاندى.
بۇدان بولەك, تەرگەۋ مەن سوتتان جاسىرىنعان تۇلعالاردى انىقتاۋ بويىنشا جۇرگىزىلىپ جاتقان جۇيەلى جۇمىستىڭ ناتيجەسىندە جىل باسىنان بەرى بقو پوليتسەيلەرى ىزدەۋدە جۇرگەن 54 ادامدى ۇستاعان.