قازاقستاندا ۆەتەرينارلىق قۇجاتسىز ەت ساتقاندار ءۇشىن قىلمىستىق جاۋاپكەرشىلىك ەنگىزۋ جوسپارلانىپ وتىر, دەپ حابارلادى اۋىل شارۋاشىلىعى ۆيتسە-ءمينيسترى امانعالي بەردالين.
بۇل 2026 جىلى پارلامەنتتە تالقىلاناتىن ۆەتەريناريا تۋرالى جاڭا زاڭدا قاراستىرىلادى, دەدى ۆيتسە-مينيستر.
«حالىق 3 ايلىق ەسەپتىك كورسەتكىش كولەمىندەگى ايىپپۇلدان قورىقپايدى. ونى قاتاڭداتۋ كەرەك, سەبەبى بۇل ازىق-ت ۇلىك قاۋىپسىزدىگىمەن بايلانىستى. مۇنداي ىستەردى ايىپپۇلمەن ەمەس, قىلمىستىق زاڭمەن جازالاۋ كەرەك», دەدى ول.
ۆيتسە-مينيستر سونداي-اق ەت جانە ەت ونىمدەرىنىڭ تسيفرلىق قاداعالانۋى تۋرالى ايتتى.
«وندىرىلەتىن ونىمدەردىڭ بارلىعى مال سويۋ الاڭدارىندا نەمەسە ەت كومبيناتتارىندا سويىلىپ, ۆەتەرينارلىق-سانيتارلىق ساراپتامادان ءوتۋى كەرەك. تەكسەرۋدەن كەيىن ءبىز ەتتىڭ قايدا كەتەتىنىن كورەمىز — بازارعا, مەكتەپكە, بالاباقشاعا نەمەسە اۋرۋحاناعا. ءبىز سوڭعى تۇتىنۋشىنى كورۋىمىز كەرەك», دەپ ءتۇسىندىردى ول.
جۇيە بۇكىل قازاقستان بويىنشا ەنگىزىلىپ جاتىر جانە جاقىن ارادا مەيرامحانالار مەن قوعامدىق تاماقتانۋ نىساندارىن قامتيتىن بولادى.