قوستاناي. 20 اقپان. قوستاناي وبلىستىق توتەنشە جاعدايلار دەپارتامەنتىنىڭ مۇراجايىندا ەلىمىزدىڭ ورتكە قارسى قىزمەتىنىڭ تۇڭعىش گەنەرال-مايورى سەرىك اۋباكىروۆتىڭ قۇرمەتنە جانە الماتىدا ءوتىپ جاتقان ورتتەن قۇتقارۋ سپورتى بويىنشا ح الەم چەمپيوناتىنا ارنالعان سالتاناتتى ەكسپوزيتسيانىڭ اشىلۋى بولدى. بۇل تۋرالى egemen.kz ءتىلشىسى حابارلادى.
الماتىدا ءوتىپ جاتقان ءورت-قۇتقارۋ سپورتى بويىنشا ح الەم چەسمپيوناتىنىڭ سيرەك كەزدەسەتىنى, يلليۋستراتسياسى جانە فوتو-ماتەريالدارى جاڭا بۇرىش كورمەسىن دەپارتامەنتتىڭ مۇراجايىندا ءوزىنىڭ ورنىن تاپتى. وندا چەمپيوناتتار تاريحىندا ەڭ ءبىرىنشى رەت قازاقستاندا وتكەن جارىس جانە ەڭ ءبىرىنشى رەت قازاقستاندىق جاساقتار جاۋىنگەرلىك جارىسى تۋرالى ماتەريالدار بار.
دەپارتامەنت باستىعى, ورتكە قارسى قىزمەت پولكوۆنيگى تالعات كاكىموۆ گەنەرال سەرىك اۋباكىروۆتىڭ ومىرىنىدەگى نەگىزگى كەزەڭدەرى تۋرالى ايتىپ ءوتتى.
تالعات كاكىموۆ: «1985 جىلى كسرو ءىىم الما-اتى ءورت-تەحنيكالىق ۋچيليششەسىن اياقتاعان سوڭ الماتىدا وسى سالاداعى لاۋازىمدى قىزمەتتەردە بولدى. 1996 جىلى قر ءىىم الماتى جوعارعى تەحنيكالىق ۋچيليششەسىن ءورت قاۋىپسىزدىك ينجەنەرى ماماندىعى بويىنشا ءتامامدادى. 2008 جىلدىڭ 11 ساۋىرىنەن قازاقستان رەسپۋبليكاسى توتەنشە جاعدايلار مينيسترلىگى ورتكە قارسى قىزمەت توراعاسى بولدى. سەرىك عابدۋلل ۇلى قر تجم قۇرىلۋ كوز-قاينارىندا تۇرعان, ورتكە قارسى قىزمەت كوميتەتى, ورتكە قارسى ءنورماتيۆتى-قۇقىق بازاسىنىڭ جاڭادان دايارلاۋعا قاتىستى. وتان الدىندا ونىڭ ەڭبەگىن مەملەكەت جوعارى باعالادى. 2011 جىلدىڭ 5 مامىرىندا قازاقستان رەسپۋبليكاسى پرەزيدەنتىنىڭ № 73 جارلىعىمەن س.ع. اۋباكىروۆقا ورتكە قارسى قىزمەت گەنەرال-مايور ارنايى اتاعى بەرىلدى. سەرىك عابدۋلل ۇلى ءبىزدىڭ وتانىمىزدىڭ ادال قىزمەتكەرى, بارلىعىمىز ءۇشىن ۇلگى, بولىپ كەلەدى», دەدى.
دەپارتامەنت مۇراجايى توتەنشە جاعدايلار ورگاندارىنىڭ تاريحى تۋرالى عانا ەمەس, وتاندى سۇيۋگە جانە اعا ۇرپاق ەڭبەگىنە قۇرمەتپەن قاراۋعا, قازاقستاندىق جاستاردى پاتريوتتىق سەزىمگە تاربيەلەۋگە ۇلەس قوسادى.
ءنازيرا جارىمبەتوۆا.
دەرەك, سۋرەت: egemen.kz.