باتىس قازاقستان وبلىسىندا 1-14 جەلتوقسان ارالىعىندا ءوتىپ جاتقان «قاۋىپتى جۇرگىزۋشى» جەدەل-پروفيلاكتيكالىق ءىس-شاراسى كەزىندە 2 مىڭنان اسا ەرەجە بۇزۋشىلىق تىركەلدى, دەپ حابارلايدى Egemen.kz.
جەلتوقساننىڭ 12-ءسى كۇنى تاڭعى ساعات 04:00 شاماسىندا ءبورلى اۋدانى پاترۋلدىك پوليتسيا ۆزۆودىنىڭ قىزمەتكەرلەرى ءبورلى-اقساي اۆتوجولىندا Chevrolet Niva اۆتوكولىگىن توقتاتقان. تەكسەرۋ بارىسىندا 43 جاستاعى اقساي قالاسىنىڭ تۇرعىنى كولىكتى ماس كۇيىندە ايداپ كەلە جاتقانى بەلگىلى بولعان. تەكسەرە كەلگەندە, ول بۇدان بۇرىن دا ماس كۇيىندە كولىك جۇرگىزگەنى ءۇشىن كولىك باسقارۋ قۇقىعىنان ايىرىلعانى انىقتالدى. قازىر جۇرگىزۋشى ۋاقىتشا ۇستاۋ يزولياتورىنا قامالدى, ونىڭ ۇستىنەن قىلمىستىق ءىس قوزعالدى.
1-14 جەلتوقسان ارالىعىندا باتىس قازاقستان وبلىسىندا ءوتىپ جاتقان «قاۋىپتى جۇرگىزۋشى» جەدەل-پروفيلاكتيكالىق ءىس-شاراسىنىڭ ماقساتى – جول-كولىك وقيعالارىنىڭ الدىن الۋ جانە جول قاۋىپسىزدىگىن ارتتىرۋ.
شارانىڭ العاشقى 10 كۇنىندە پوليتسيا قىزمەتكەرلەرى 2 مىڭنان استام جول ەرەجەسىن بۇزۋ فاكتىلەرىن تىركەپتى. ولاردىڭ ىشىندە 33 جۇرگىزۋشى كولىكتى ماس كۇيىندە ايداعان, 15 كولىك جولدىڭ قارسى جولاعىنا شىققان, 52 جۇرگىزۋشى كۋالىگىنەن ايىرىلسا دا كولىك باسقارعان, ال 40 كولىك رۇقساتسىز قايتا جابدىقتالعان.
باتىس قازاقستان وبلىسى