رەسەي اۋماعىندا قازاقستان پويىزىنان جارىلعىش زات تابىلدى

قوستاناي. 11 تامىز. رەسەي اۋماعىندا قازاقستان پويىزىنان جارىلعىش زات تابىلدى. بۇل تۋرالى ng.kz سايىتىنا سىلتەمە جاساعان egemen.kz ءتىلشىسى حابارلادى. رەسەيدىڭ قارتالى تەمىرجول ستانساسىندا رەسەيلىك ارنايى قىزمەتتىڭ قىزمەتكەرلەرى قازاقستاننان شىققان جۇك پويىزىن توقتاتقان. ۆاگونداردىڭ بىرىنەن جارىلعىش زات تابىلعان. كولىك قورشالىپ, بىرنەشە ساعات بويى تەكسەرىلگەن. پويىز تۇنگى 3 پەن 4-ءتىڭ اراسىندا توقتاتىلعان. 4 ساعاتتىق ىزدەستىرۋدەن كەيىن جۇك ۆاگونىنان تروتيل جارىلعىشى مەن GPS-ترەكەر تابىلدى. كورشى ەلدەگى «پەرۆىي وبلاستنوي» سايتى قىزمەتكەرىنىڭ ءبىرى: «ءتروتيلدىڭ قانشا ەكەنى بەلگىسىز. قازىر جەدەل ىزدەستىرۋ ءبولىمىنىڭ ماماندارى جارىلعىش زاتتىڭ قاشان جانە قاي جەردە سالىنعانىن انىقتاپ جاتىر. بۇل جارىلعىش زات پويىز قازاقستانعا كەلمەي جاتىپ, بۇرىنعى كەڭەس وداعى قۇرامىنداعى رەسپۋبليكالاردىڭ بىرىندە سالىنعان بولۋى مۇمكىن», – دەگەن بولجام ايتقان. الايدا, بۇل بولجام تۋرالى رەسەيدىڭ فەدەرالدى قاۋىپسىزدىك قىزمەتى (فسب) باسقارماسىنداعىلار انىق ەشتەڭە ايتقان جوق. رەسەيدىڭ اقپارات كوزدەرىندە قازاقستاننان بارعان جۇك پويىزدارىندا جارىلعىش زات ءتروتيلدىڭ تابىلۋى ءبىرىنشى رەت ەمەس ەكەنى ايتىلادى. وسىدان ءبىر اي بۇرىن  قارتالى تەمىرجول ستانساسىندا قازاقستاننان كەلگەن تاعى ءبىر جۇك پويىزى توقتاتىلعان بولاتىن. وندا دا رەسەي شەكاراشىلارى تروتيل جارىلعىشى سالىنعان ارقايسىسى 400 گرامدىق ەكى ىدىس تاۋىپ العان ەدى. ءنازيرا جارىمبەتوۆا. دەرەك: ng.kz. سۋرەت: vk.com.