ءۇشىنشى مەگاپوليستە قازاق ەستراداسىنا جاڭا ەسىمدەردى تانىتۋدى ماقسات ەتكەن ءان بايقاۋى باستالدى. بايقاۋدا ەلىمىزدىڭ تۇكپىر-تۇكپىرىنەن جينالعان 63 ۇمىتكەر باق سىناۋدا, دەپ حابارلايدى Egemen.kz.
ساراپتاۋ ناتيجەسىندە 21 جاس ءانشى بايقاۋدىڭ ءىى كەزەڭىنە جولداما الدى. ءادىل قازىلار قاتىسۋشىلاردىڭ ۆوكالدىق شەبەرلىگىمەن قاتار ساحناداعى مادەنيەتى مەن شىعارمانى كوركەم جەتكىزۋدەگى قابىلەتى دە سارالانعانىن ايتتى.
بايقاۋدا ەلىمىزگە تانىمال ءانشى, سازگەر, قر ەڭبەك سىڭىرگەن قايراتكەرى جەڭىس سەيدوللا ۇلى, ەسترادا جۇلدىزى, قر ەڭبەك سىڭىرگەن قايراتكەرى جاننا ورىنباساروۆا, جاستار اراسىندا كەڭىنەن تانىمال ءانشى ەرنازار مەلس ۇلى, «قاعان» ەتنوفولكلورلىق ءانسامبلىن قۇرۋشىسى نۇربولات ءامىرحان ۇلى جانە قر مادەنيەت قايراتكەرى امانتاي بەرعاليەۆ قازىلىق ەتتى.
ءان سايىسىنىڭ جۇلدە قورى 9 ميلليون تەڭگەنى قۇرايدى. باس جۇلدە — 2 ميلليون تەڭگە, سونداي-اق ءى, ءىى, ءىىى ورىن يەگەرلەرى مەن باسقا دا نومينانتتارعا ارنايى سىيلىقتار قاراستىرىلعان.
شىمكەنت