كەشە پالاتا سپيكەرى قابيبوللا جاقىپوۆتىڭ ءتوراعالىعىمەن ءماجىلىس بيۋروسى ءوتىپ, جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
حالىق قالاۋلىلارىنىڭ نازارىنا ماقتا سالاسىن دامىتۋ ماسەلەلەرى بويىنشا ماسەلەنى ءبىرىنشى وقىلىمدا, ويىن بيزنەسىنە قاتىستى زاڭ جوباسىن ەكىنشى وقىلىمدا قاراۋ ۇسىنىلدى.
جالپى وتىرىستىڭ كۇن ءتارتىبى جوباسىنا تمد-عا قاتىسۋشى- مەملەكەتتەردىڭ ينتەگراتسيالانعان ۆاليۋتا نارىعىن ۇيىمداستىرۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسى دا ەنگىزىلگەن.
سونداي-اق, ءماجىلىس دەپۋتاتتارى بەيىندى كوميتەتتەرگە قازاقستان مەن تاجىكستان اراسىنداعى ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋعا قاتىستى زاڭ جوباسى بويىنشا قورىتىندى ازىرلەۋ مەرزىمىن تاعايىنداپ, گەندىك-ينجەنەرلىك قىزمەتتى مەملەكەتتىك رەتتەۋ تۋرالى زاڭ جوباسى بويىنشا جۇمىستاردى ىلەسپەلى تۇزەتۋلەرمەن ودان ءارى جالعاستىرماق.