10 جەلتوقسان ساعات 07:00-دەگى مالىمەت بويىنشا قاردىڭ قالىڭدىعى 35 سانتيمەترگە دەيىن جەتتى. بۇل ايلىق نورمانىڭ جارتىسىنا جۋىعى, دەپ حابارلايدى Egemen.kz.
الماتى قالاسىنىڭ كوممۋنالدىق ينفراقۇرىلىم جانە تۇرعىن ءۇي ينسپەكتسياسى حابارلاعانداي, قالاداعى قار كۇرەۋ جۇمىستارىنا 2 728 جۇمىسشى مەن 75 جەدەل بريگادا جۇمىلدىرىلعان. قالا جولدارىنا 1 000-نان استام ارنايى تەحنيكا شىعارىلدى, ونىڭ ىشىندە كوكتايعاقتى بولدىرماۋ ءۇشىن ارنايى قوسپا سەبەتىن 228 قۇراما جول ماشيناسى بار. كولوننالاردىڭ قوزعالىسىن قامتاماسىز ەتۋ ءۇشىن 22 پوليتسيا ەكيپاجى, سونداي-اق 10 ەۆاكۋاتور مەن مانيپۋلياتور تارتىلعان.
مامانداردىڭ ايتۋىنشا, ساعات 04:00-تەن باستاپ ماگيسترالدار مەن اۋداندىق كوشەلەردى تازالايتىن 21 كولوننا جۇمىسقا كىرىستى. سونىمەن قاتار تروتۋار, ايالداما مەن جۇرگىنشىلەر اۋماعى كۇرەلىپ جاتىر. ساعات 05:00-دە 37 جەكە مەردىگەر ۇيىمنىڭ 1 790 جۇمىسشىسى مەن 256 تەحنيكاسى اۋلالاردى تازالاۋ جۇمىستارىنا جۇمىلدىرىلدى.
بۇعان قوسا, قالادا جول مەن كوشەنىڭ جاعدايىن باقىلاۋ ءۇشىن تاۋلىك بويى كەزەكشىلىك قويىلعان. بارلىق كوممۋنالدىق قىزمەت قار تولىق تازالاعانعا دەيىن كۇشەيتىلگەن رەجيمدە جۇمىسىن جالعاستىرا بەرەدى.