كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ارەندالىق تۇرعىن ءۇي قۇرىلىسى ماسەلەلەرى بويىنشا سەلەكتورلىق رەجىمدە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس بارىسىندا ورتالىق اتقارۋشى ورگانداردىڭ, «ءبايتەرەك» ۇبح» اق-تىڭ, وبلىستاردىڭ, استانا جانە الماتى قالالارىنىڭ اكىمدەرى وسى باعىتتا اتقارىلىپ جاتقان جۇمىستار تۋرالى باياندادى.
ەسكە سالا كەتەيىك, مەملەكەت باسشىسى «نۇرلى جول – بولاشاققا باستار جول» اتتى قازاقستان حالقىنا جولداۋىندا ۇكىمەتكە الەۋمەتتىك ارەندالىق تۇرعىن ءۇي سالىپ, ونى ەڭ تومەنگى پايىزبەن جانە ساتىپ الۋ قۇقىمەن حالىققا بەرۋدى تاپسىرعان بولاتىن.
«نۇرلى جول» باعدارلاماسى شەڭبەرىندە تۇرعىن ءۇيدى سالۋعا جانە ساتىپ الۋعا 250 ملرد. تەڭگە باعىتتالاتىن بولادى. جالپى كولەمى 1 483 مىڭ شارشى مەتر بولاتىن 29 مىڭ پاتەر سالۋ جانە قۇرىلىس سالۋشىلاردان ولاردى ساتىپ الۋ جوسپارلانىپ وتىر.
وسى جىلدىڭ ناۋرىزىندا-اق استانا, الماتى, كوكشەتاۋ, سەمەي, قوستاناي قالالارىندا جالپى كولەمى 76,5 مىڭ شارشى مەتر بولاتىن العاشقى 1 357 پاتەر پايدالانۋعا بەرىلمەك. بارلىعى بيىلعى جىلى 78,7 ملرد. تەڭگە سوماعا, جالپى الاڭى 505,3 مىڭ شارشى مەتر بولاتىن 8 616 پاتەر سالىنادى جانە ساتىپ الىنادى.
تالقىلاۋ قورىتىندىسى بويىنشا, باقىتجان ساعىنتاەۆ «ءبايتەرەك» ۇبح» اق-قا وبلىستاردىڭ, استانا جانە الماتى قالالارىنىڭ اكىمدەرىمەن بىرلەسىپ, قۇرىلىستىڭ ۋاقىتىلى اياقتالۋىن جانە تۇرعىن ءۇيدىڭ كەزەكتە تۇرعاندارعا ءبولىنىپ بەرىلۋىن قامتاماسىز ەتۋدى تاپسىردى.