ەل ەرتەڭىن بۇگىن ويلاساق ۇتامىز

قازاقستان رەسپۋبليكاسىنىڭ پرەزيدەنتى –  ەلباسى ن.ءا.نازارباەۆقا

اسا قۇرمەتتى نۇرسۇلتان ءابىش ۇلى! ەل ىشىندە بولىپ جاتقان وقيعالاردى كۇندەلىكتى كورىپ, ءبىلىپ وتىرمىز. الەمدەگى ەكونوميكالىق داعدارىستىڭ تيگىزەر سالدارىنا قارسى جاسالىپ جاتقان شارالار كوكەيگە قونادى. حالىقتى قيىندىققا ۇرىندىرماي, الەۋمەتتىك احۋالدىڭ قالىپتى جاعدايدا تۇرۋىنا كۇش سالىنۋدا. وسىنداي كەزەڭدە كەزەكتەن تىس پرەزيدەنت سايلاۋىن وتكىزۋ جونىندەگى اسسامبلەيا كەڭەسىنىڭ ۇيعارىمىن, مەن, ورىندى دەپ ويلايمىن. بۇل – ۋاقىتىندا جاسالعان ۇسىنىس بولدى. سوندىقتان باستامانى بۇكىل قازاقستاندىقتار قىزۋ قولداپ جاتىر. ونىڭ ىشىندە ءوزىڭىز جەتە كوڭىل ءبولىپ, ءارى ۇدايى نازاردا ۇستايتىن زيالى قاۋىمنىڭ ىقىلاسى بولەك. ول ءىس, راسىندا دا, ەرتەڭگە قالدىرماي, بۇگىن شەشۋدى قاجەت ەتە­تىن ماسەلە. كۇن ىلگەرى سايلاۋ تسيكلىن وتكىزىپ الساق, ۇكىمەت تە, حالىق تا داعدارىسقا قارسى باعدارلامالاردى الاڭسىز جۇزەگە اسىرار ەدى. مۇنى بارشا قاۋىم دۇرىس ءتۇسىنىپ, تولىق قولدايدى دەپ سەنەمىن.

ءابىش كەكىلباي ۇلى,

قازاقستاننىڭ ەڭبەك ەرى, مەملەكەتتىك سىيلىقتىڭ لاۋرەاتى, قازاقستاننىڭ حالىق جازۋشىسى.