* پرەزيدەنت پوچتاسىنان
مەملەكەت باسشىسى نۇرسۇلتان نازارباەۆتىڭ اتىنا قازاقستان حالقى اسسامبلەياسى كەڭەسىنىڭ قازاقستان رەسپۋبليكاسى پرەزيدەنتىنىڭ سايلاۋىن وتكىزۋ جونىندەگى باستاماسىنا بايلانىستى حاتتار مەن جەدەلحاتتار كوپتەپ كەلۋدە, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنىڭ اتىنا عىلىمي-زەرتتەۋ مەكەمەلەرىنىڭ جۇمىسشىلارىنان, قوعامدىق بىرلەستىكتەردىڭ ءمۇشەلەرىنەن, مادەنيەت وكىلدەرىنەن, سونداي-اق, ەلدىڭ ءتۇرلى وڭىرلەرىندەگى ازاماتتاردان باستاماعا جانە قازاقستاننىڭ تۇراقتىلىق پەن ورنىقتى دامۋ باعدارىن ساقتاۋعا قولداۋ بىلدىرگەن حات-حابارلار كوپتەپ كەلىپ جاتىر.
ا.ءاشىموۆ, ن.ىقتىمباەۆ, س.ەلۋباي, س.نارىمبەتوۆ جانە ر.ءابدىراشوۆ سىندى كينەماتوگرافيا ونەرىنىڭ بىرقاتار تانىمال قايراتكەرلەرى نۇرسۇلتان نازارباەۆتىڭ وتانىمىزدىڭ يگىلىگى جولىنداعى قاجىرلى ەڭبەگىنە راحمەت ايتىپ, پرەزيدەنتتىك سايلاۋدى وتكىزۋدى زور ىقىلاسپەن جانە شىنايى قولدايتىندىقتارىن اتاپ وتكەن.
«بۇگىندە قازاقستاننىڭ كينەماتوگرافياسى بۇرىن-سوڭدى بولماعان ورلەۋگە بەت العانىن, قازاق كينوسىنىڭ ابىرويى كوز الدىمىزدا اسقاقتاپ كەلە جاتقانىن ءبارى كورىپ وتىر. بۇل ءبىزدىڭ ەلىمىزدىڭ تۇراقتىلىعىنىڭ ايقىن كورسەتكىشى, ءويتكەنى, «زەڭبىرەكتەر گۇرسىلدەپ جاتقاندا, مۋزا تۇنشىعادى». سۋرەتشى «تۇرمىس تاۋقىمەتىنىڭ قويۋ ءتۇتىنىندە» شىعارما تۋدىرىپ, ويلاعانىن جۇزەگە اسىرا المايدى. ءسىز بىزگە شىعارماشىلىق تۋىندىلار جاساۋعا مۇمكىندىك بەرىپ وتىرسىز. بولاشاعىمىزدى سىزبەن بىرگە بولۋ ارقىلى عانا كورەمىز», – دەلىنگەن حاتتا.
ەكونوميكا ينستيتۋتىنىڭ, «عىلىم ورداسى» رمك, ءبىلىم جانە عىلىم مينيسترلىگى عىلىم كوميتەتىنىڭ فيلوسوفيا, ساياساتتانۋ جانە ءدىنتانۋ ينستيتۋتىنىڭ باسشىلارى يننوۆاتسيالىق يندۋستريالاندىرۋدى, ينفراقۇرىلىمدىق دامۋدى ەلدىڭ باستى باسىمدىقتارىنىڭ ءبىرى رەتىندە جاريالاۋ عالىمدار ءۇشىن ماڭىزدى وقيعا بولعانىنا نازار اۋدارعان.
«وتاندىق عىلىمدى جۇيەلى قولداۋعا باعىتتالعان ءسىزدىڭ ساياساتىڭىز ەلەۋلى ناتيجە بەردى. عىلىمي قىزمەتكەرلەردىڭ سانى ءوسىپ كەلەدى. ءبىز ءسىز ۇسىنعان باعدارلامالار مەن ستراتەگيانى تولىعىمەن قولدايمىز جانە عىلىمي-تەحنيكالىق پروگرەسس تۋىن ءارى قاراي دا ابىرويمەن الىپ جۇرەتىنىمىزگە سەندىرەمىز. كەز كەلگەن مىندەتتەر مەن بيىك ماقساتتارعا ءبىز ەلباسىمەن بىرگە جەتە الامىز», – دەلىنگەن حاتتا.
«گەنەرالدار كەڭەسى» رەسپۋبليكالىق قوعامدىق بىرلەستىگى وزىنە وفيتسەرلەردەن, ساربازداردان, اسكەري بولىمدەردەن جانە كۇش قۇرىلىمدارىنان كەلىپ جاتقان حاتتاردا تۇراقتى دامۋدى, وتانىمىزدىڭ بيىك بەدەلىن تىكەلەي جوعارعى باس قولباسشىنىڭ ەسىمىمەن بايلانىستىراتىندارى اتاپ وتىلگەنىن حابارلايدى.
«ءبىز سايلاۋ وتكەن جاعدايدا ازاماتتاردىڭ مەملەكەت باسشىسىنا سەنىمىن, قولداۋىن جانە قۇرمەتىن راستايتىن قۇجاتقا ەش كۇمانسىز قول قويامىز», – دەپ جازادى اۆتورلار.
ستۋدەنتتىك سپورت فەدەراتسياسى بىرىكتىرگەن قازاقستاندىق جوعارى وقۋ ورىندارىنىڭ بارلىق سپورتشى ستۋدەنتتەرى پرەزيدەنتتىك سايلاۋ وتكىزۋ ەلىمىزدە سپورتتى دامىتۋ جونىندەگى كەۋدەلى جوبالاردى تابىستى جۇزەگە اسىرۋدىڭ كەپىلى بولىپ سانالاتىن قازاقستان قوعامىنداعى تۇراقتىلىقتى ساقتاۋعا سەپتىگىن تيگىزەتىنىن اتاپ وتكەن.
«ءوز ەلىمىزدىڭ پاتريوتى جانە ءسىزدىڭ ساياسي باعدارىڭىزدىڭ جاقتاۋشىسى بولا وتىرىپ, سىزگە 2017 جىلى دۇنيەجۇزىلىك قىسقى ۋنيۆەرسيادانى وتكىزۋ تۋرالى يدەيانى جۇزەگە اسىرعانىڭىز ءۇشىن العىس ايتامىز. سونىڭ ارقاسىندا ءبىز تۋعان جەرىمىزدە ونەر كورسەتۋ مۇمكىندىگىنە يە بولدىق. يسپانيانىڭ گرانادا قالاسىندا وتكەن دۇنيەجۇزىلىك ۋنيۆەرسيادادا جوعارى ءۇشىنشى ورىندى يەلەنگەن بىزدەر ءوز وتانىمىزدا بۇل ناتيجەنى جاقسارتۋعا تىرىسامىز. 2017 جىلعى دۇنيەجۇزىلىك قىسقى ۋنيۆەرسيادانى تابىستى وتكىزۋ جانە 2022 جىلى قىسقى وليمپيا ويىندارىن الماتىدا وتكىزۋ قۇقىعىن يەلەنۋ مۇمكىندىگىن ءبىز ءسىزدىڭ اتىڭىزبەن عانا بايلانىستىرامىز», – دەپ جازادى ستۋدەنتتەر.
«قازاقستان مۇگەدەكتەرى ۇيىمدارىنىڭ وداعى» بىرلەستىگى, «جوعارى ءبىلىمى بار مۇگەدەكتەردىڭ «نامىس» قوعامدىق بىرلەستىگى» جانە «مەن ءومىردى سۇيەمىن» قوعامدىق قورى باسشىلارى بۇگىندە رەسپۋبليكادا ءمۇمكىندىگى شەكتەۋلى ادامداردىڭ تولىققاندى ءومىر سۇرۋلەرى ءۇشىن بارلىق جاعداي جاسالىپ جاتقانىن ايتادى.
«ەلىمىزدى دامىعان 30 مەملەكەتتىڭ قاتارىنا قوسۋ جونىندە بيىك ماقساتتار مەن مىندەتتەر بەلگىلەي وتىرىپ, ءبىز ىرگەلى مۇمكىندىكتەرگە يەمىز. ەلىمىزدە ءومىر ءسۇرۋ دەڭگەيى ۇدايى ءوسىپ كەلەدى. مۇمكىندىگى شەكتەۋلى ادامداردىڭ كاسىپكەرلەردىڭ قاتارىن تولتىرۋى ءبىز ءۇشىن ءداستۇرلى جايتقا اينالعان. بۇلار ءسىزدىڭ قولداۋىڭىزدىڭ ارقاسىندا ەلىمىز بەن قوعامدى دامىتۋعا ءوز ۇلەستەرىن قوسۋعا مۇمكىندىك العان بەلسەندى ءارى ماقساتكەر ازاماتتار. ءبىز سىزگە سەنەمىز, ەلىمىزدىڭ بولاشاعىن سىزبەن عانا بايلانىستىرامىز», – دەلىنگەن حاتتا.
قىزىلوردا وبلىسىنىڭ ازاماتتىق اليانسى ەل بولاشاعى ءۇشىن ماڭىزدى سايلاۋدىڭ قاجەتتىگىن اتاپ وتكەن.
«ءبىز رەسپۋبليكادا قابىلدانىپ جاتقان الەۋمەتتىك-ەكونوميكالىق شەشىمدەرگە ءاردايىم ايرىقشا ءمان بەرىپ كەلدىك جانە سايلاۋ وتكەن جاعدايدا وعان بارىنشا بەلسەنە قاتىسۋعا دايىن ەكەنىمىزدى بىلدىرەمىز», – دەپ جازادى اۆتورلار.
الماتى وبلىسىنىڭ بىرقاتار ەتنومادەني بىرلەستىكتەرىنىڭ باسشىلارى رەسپۋبليكامىز وركەندەپ, قورشاعان ورتانىڭ جاقسارۋى ءۇشىن قاجەتتى نارسەنىڭ ءبارى – ادامي جانە ماتەريالدىق رەسۋرستار, كۇش-قۋات بار ەكەنىن اتاپ وتكەن.
«ءسىزدىڭ سىندارلى ساياساتىڭىزدىڭ ارقاسىندا ءبىزدىڭ ءبارىمىزدى بۇگىن تاۋەلسىز قازاقستان ءۇشىن ماقتانىش سەزىمى بىرىكتىرەدى. ەلباسىمەن بىرگە بولۋ ارقىلى ءبىزدىڭ ەلىمىز بۇدان دا كۇشتى بولا تۇسەدى», – دەپ جازادى اۆتورلار.
وڭتۇستىك قازاقستان وبلىسىنان دا حاتتار كوپتەپ كەلدى. ماسەلەن, كوپبالالى انالاردىڭ ءبىر توبى ەلىمىزدە مەملەكەت تاراپىنان ۇدايى جاسالىپ وتىرعان قولداۋدىڭ ارقاسىندا بالالاردىڭ سانى جىلدان جىلعا ءوسىپ كەلە جاتقانىن ايتقان.
«قازاقستاننىڭ, تاتۋلىق پەن بىرلىك يدەياسىن نىعايتا بەرەتىن بالالارىمىز بەن نەمەرەلەرىمىزدىڭ بولاشاعى ءۇشىن ءسىز ەلىمىزدى بۇدان دا جوعارى بيىكتەرگە جەتكىزەتىنىڭىزگە سەنىمدىمىز», – دەلىنگەن حاتتا.
وسى وڭىردەگى جاستاردىڭ وكىلدەرى مەملەكەت باسشىسىنىڭ ەلدى تابىستى دامىتۋداعى ءرولىنىڭ جوعارى ەكەنىنە توقتالعان.
«ءسىز ەڭبەك جولىڭىزدى قازاقستان ماگنيتكاسىندا قاراپايىم جۇمىسشى بولۋدان باستاعانىڭىزدى ءارقايسىمىز دا بىلەمىز. ءسىزدىڭ ءومىر جولىڭىز ەڭبەكقورلىقتىڭ, ماقساتكەرلىكتىڭ, قوعامعا قىزمەت ەتۋگە دەگەن تالپىنىستىڭ, ءوز حالقىنىڭ يگىلىگى ءۇشىن قاجىرلى ەڭبەكتىڭ مىسالى بولىپ سانالادى. ءسىزدىڭ جاستارعا قاتىستى قامقورلىعىڭىز بەن قولداۋىڭىز ەلىمىزدىڭ بولاشاعىمەن تىكەلەي بايلانىستى», – دەپ جازادى اۆتورلار.
مۇمكىندىگى شەكتەۋلى ادامداردىڭ باستاماشىل توبىنىڭ حاتىندا مەملەكەت باسشىسىنىڭ جان-جاقتى قولداۋى حالىقتىڭ وسى توبىنىڭ وكىلدەرىنە ءومىردىڭ بارلىق سالالارىنا بەلسەنە قاتىسۋعا مۇمكىندىك بەرەتىنى ايتىلعان.
«ءبىزدىڭ ەلىمىزدە مۇمكىندىگى شەكتەۋلى ادامداردىڭ مانسابىن جالعاستىرىپ, كاسىبىندە تابىسقا جەتە الۋى ءۇشىن ءبارى جاسالۋدا. قوعامعا پايدالى بولا الاتىندىعىمىز ءۇشىن شەكسىز قۋانىشتىمىز. ءبىز ءۇشىن ءسىز حالىققا, تۋعان ەلگە قىلاۋسىز قىزمەت ەتۋدىڭ جارقىن مىسالى بولاسىز. بارلىق قازاقستاندىقتاردىڭ شەكسىز سەنىمى مەن سۇيىسپەنشىلىگى ءسىزدىڭ مىزعىماس بەدەلىڭىزدىڭ ايعاعى. ءبىز الداعى ۋاقىتتا دا قازاقستاندى سىزدەي ادامنىڭ باسقارعانىن قالايمىز», – دەپ جازادى اۆتورلار.
وسى وڭىردەن كەلگەن تاعى ءبىر حاتتا بىرقاتار ەتنومادەني بىرلەستىكتەردىڭ باسشىلارى پرەزيدەنتتىك سايلاۋ وتكىزۋ تۋرالى باستامانى قۋانا قابىل العاندارىن جانە تاتۋلىق, بىرلىك, كەلىسىم مەن تۇراقتىلىق ساياساتىن قولداۋعا دايىن ەكەندەرىن ايتقان.
«بۇگىندە ءبىزدىڭ ەل 130 حالىقتىڭ تاتۋ تىرشىلىگىنىڭ ۇلگىسى بولىپ وتىر. بۇل – تاتۋلىق, تولەرانتتىلىق جانە كەلىسىم يدەالدارىنىڭ جاقتاۋشىسى رەتىندەگى ءسىزدىڭ ەڭبەگىڭىز. قازاقستاننىڭ باستى قۇندىلىعى, ونىڭ بايلىعى مەن ستراتەگيالىق باسىمدىعى حالىقتىڭ ءارالۋاندىعى بولىپ تابىلادى. بۇل – باعا جەتپەس ادامي كاپيتال. ءسىزدىڭ ساياساتىڭىزدىڭ ارقاسىندا ءبىز بىرلىكتە ءومىر سۇرەمىز, ال ەلىمىز تابىستى مەملەكەتكە اينالىپ وتىر. ءوز بولاشاعىمىزدى ءبىز سىزبەن عانا بايلانىستىرامىز», – دەلىنگەن حاتتا.
استانا جاستارىنىڭ ىسكەرلىك كەڭەسىنىڭ مۇشەسى ج.امانتاي قازاقستان پرەزيدەنتىنىڭ باسشىلىعىمەن ەلىمىز بارلىق قيىندىقتاردى ەڭسەرىپ, جاڭا بيىكتەرگە شىعاتىنىنا سەنىم بىلدىرگەن.
«ءسىزدىڭ سايلاۋعا قاتىسۋىڭىز قازاقستان حالقىنىڭ يگىلىگى ءۇشىن, بۇكىل ەل قاراپايىم حالىقتىڭ وكىلى رەتىندە مەنىڭ پىكىرىممەن كەلىسەتىنىنە سەنىمدىمىن», – دەپ جازادى اۆتور.
سونىمەن قاتار, الماتى قالاسىنىڭ ءبىر توپ تۇرعىنى دا ءوز قولداۋلارىن ءبىلدىرىپ, مەملەكەت باسشىسىنىڭ كورەگەن ساياساتى قازاقستاننىڭ بارشا حالقىنىڭ يگىلىگى ءۇشىن جالعاساتىنىنا سەنىمدى ەكەندەرىن ايتقان.
«وتىنەمىز, لاۋازىمىڭىزدا ۇزاق قىزمەت ەتىڭىز. ءبىز سىزگە ءبىراۋىزدان داۋىس بەرۋگە دايىنبىز», – دەپ جازادى اۆتورلار.
قازاقستان حالقى اسسامبلەياسى كەڭەسىنىڭ ەل پرەزيدەنتىنىڭ سايلاۋىن وتكىزۋ جونىندەگى باستاماسىنا بايلانىستى مەملەكەت باسشىسىنىڭ اتىنا كەلىپ جاتقان حاتتاردىڭ لەگى ءالى جالعاسۋدا.