اقتوبە وبلىستىق پوليتسيا دەپارتامەنتىنىڭ مالىمەتىنشە, جول اپاتى 7 جەلتوقساندا شامامەن تاڭعى ساعات 8:40-تا سامارا – شىمكەنت تاس جولىندا بولعان. 49 جولاۋشىسى بار اۆتوبۋس جۇرگىزۋشىسى ءرۋلدى باسقارا الماي, كولىك اۋدارىلعان. سالدارىنان بەس جولاۋشى وقيعا ورنىندا كوز جۇمدى, دەپ حابارلايدى Egemen.kz.
قازىر جول-كولىك وقيعاسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
«اۆتوبۋس سالونىندا پەرم – تاشكەنت باعىتىندا جولعا شىققان وزبەكستان رەسپۋبليكاسىنىڭ 49 ازاماتى بولعان. جول اپاتىنان 5 جولاۋشى وقيعا ورنىندا كوز جۇمدى, 11 جولاۋشى ءتۇرلى دەنە جاراقاتتارىمەن ايتەكە بي اۋداندىق اۋرۋحاناسىنا جەتكىزىلدى», دەلىنگەن حابارلامادا.
ءدال وسى كۇنى شىعىس قازاقستان وبلىسىنداعى جول اپاتىنان 3 ادام قازا تاپتى.