بيىل الماتىعا قانشا تۋريست كەلدى؟

2025 جىلدىڭ 9 ايىندا مەگاپوليسكە 1 869 375 ادام كەلگەن. بۇل بىلتىرعى وسى كەزەڭمەن سالىستىرعاندا 8,1%-عا ارتىق (1 729 601 ادام). سولاردىڭ ىشىندە 563 مىڭى شەتەلدىك تۋريستەر بولىپ, 11%-عا ءوستى. ال 1,3 ملن ىشكى ساياحاتشىلار, ولاردىڭ سانى 6,9%-عا ارتقان.

رەسەيدەن 124,2 مىڭ ادام كەلگەن, بۇل وتكەن جىلمەن سالىستىرعاندا 5,7%-عا كوپ. قىتايدان كەلگەن قوناقتار سانى 102,1 مىڭ ادامعا جەتىپ, بىردەن 39,2%-عا ءوستى. ءۇندىستاننان كەلگەندەر لەگى 85,6 مىڭ ادامعا جەتىپ, 3,5% ءوسىم كورسەتتى.سونداي-اق شەتەلدىك تۋريستەر سانى بويىنشا كوش باستاپ تۇرعان ەلدەر قاتارىندا تۇركيا (28 670 ادام, ءوسىم 9,1%), كورەيا رەسپۋبليكاسى (18 535 ادام, ءوسىم 17,5%), گەرمانيا (12 549 ادام, ءوسىم 15,6%), قىرعىزستان (12 356 ادام, ءوسىم 18,9%), وزبەكستان (12 259 ادام, ءوسىم 8,9%), ۇلىبريتانيا (10 143 ادام, ءوسىم 7,1%), يتاليا (7 637 ادام, ءوسىم 28,5%), ساۋد ارابياسى (6 750 ادام, ءوسىم 5,2%), مالايزيا (5 773 ادام, ءوسىم 16,9%), فرانتسيا (4 688 ادام, ءوسىم 25,4%) بار.

قالا اكىمدىگىنىڭ مالىمەتىنشە, حالىقارالىق دەڭگەيدە تانىلۋ جۇرگىزىلىپ جاتقان جۇمىستىڭ تيىمدىلىگىن راستايدى. الماتى بيىل بارۋعا ۇسىنىلعان باعىتتار تىزىمىنە Cable News Network (CNN) ارناسى تاراپىنان ەنگىزىلدى, ال بريتاندىق The Telegraph باسىلىمى الماتىنى «ورتالىق ازيانىڭ ءىنجۋ-مارجانى» دەپ اتادى. Booking.com تالدامالى دەرەگىنشە, الماتى ورتالىق ازياداعى تۋريستىك باعىتتار اراسىندا ەڭ جىلدام دامىپ كەلە جاتقان وندىققا ەنەدى.