قازاقستاندىق سپورتشى باتىرحان تولەۋعالي (87 كەلى) نايروبيدە (كەنيا) ءوتىپ جاتقان تاەكۆوندودان (WT) 21 جاسقا دەيىنگى سپورتشىلار اراسىندا الەم چەمپيونى اتاعىنا قول جەتكىزدى, دەپ جازادى Egemen.kz.
فينالدا يراندىق موحاممەد اليزادەنى تىزە بۇكتىردى. وعان دەيىن وتانداسىمىز اۋستراليالىق ستيۋارت دجوۋبتى, بەيتاراپ ەلدىڭ وكىلى ۆلاديسلاۆ ءبۋديندى ايقىن باسىمدىقپەن جەڭدى.
وسىلايشا تاەكۆوندودان قازاقستان قۇراماسى الەم چەمپيوناتىن ەكى التىن, ءبىر قولا جۇلدەمەن اياقتالدى. وسىعان دەيىن بەيبارىس قابلان (87 كەلىدەن جوعارى) جەڭىمپاز اتانسا, تامەرلان تىلەۋلەس (63 كەلى) قولا جۇلدەگە قول جەتكىزگەن ەدى. مۇنداي كورسەتكىش وسىعان دەيىن قازاقستان تاەكۆوندو (WT) تاريحىندا تىركەلمەگەن.